Пандемия пайтида ФИФАнинг тегишли регламентига мувофиқ миллий терма жамоага чақирув олган футболчи ўз клубига қайтиб келган пайтда 5 кундан ортиқ бўлмаган карантинга олиниши мумкин. Акс ҳолда клуб ўз футболчисини миллий терма жамоа ихтиёрига қўйиб юбормаслик ҳуқуқига эга ҳисобланади.
"Сеонгнам" клуби Жамшид Искандеров Жанубий Кореяга қайтганда 5 кундан кўп муддатга изоляцияга олиниши, шунингдек, Жанубий Корея чемпионатининг ҳал қилувчи учрашувларида жамоа таркиби кучсизланиб қолмаслиги учун футболчини МТЖнинг октябрь ойидаги йиғинига юбора олмаслигини маълум қилди.
