2 кун қолди. "Насаф" финал остонасида

Ҳа, клубнинг молиявий ҳолатини олдингиси билан таққослаб бўлмайди, таркибда юлдузлар йўқ. Аммо мусобақадаги барча рақибларидан илиқроқ таассурот қолдираётган "аждарлар" учун финалгача 1 қадам қолди. Бунинг учун 20 октябрь куни "Марказий" ўйингоҳда Гонгконгнинг "Ли Ман" жамоаси таслим қилиниши керак.

Насаф Карши

Кубок АФК - финальная стадия . Semi Finals-тур 20/10/2021, 18:00 2 : 3 Finished AET

Уорриорс

45'

90'

Матч-центрда очиш

Рақиб номдор эмас. Бунинг устига "Моҳун Баган" дарвозасига 6 та гол урган Бердиев шогирдларини Суперлигада ҳам тўхтатиб бўлмаяпти. Жамоа ҳақиқатан  ҳам ажойиб формада. 

Бироқ, футболнинг ёзилмаган қоидаларига кўра, хотиржамликка берилган ёки бир лаҳзага "баланс"ни йўқотган томон дарҳол "тарсаки" қабул қилиб олади. Бундай ҳолатга "Насаф" футболчилари "Аҳал"га қарши ўйинда дуч келишган эди.

"Ли Ман" клубини олдинги турдаги "Моҳун Баган"га қиёслаш хато бўлади. Гарчи жамоавий ўйин яхши йўлга қўйилмаган бўлса-да, гонконгликлар таркибида яримта имкониятдан битта гол ясай оладиган 2 нафар легионер бор. Гап 30 ёшли бразилиялик ҳужумчи Жиль ҳамда 33 ёшли аргентиналик хавбек Жонатан Акоста ҳақида боряпти. Бу футболчилар тандеми "Насаф" ҳимоячилари учун анча муаммолар яратиши мумкин.

Биламиз, Рўзиқул Бердиев ҳеч қачон рақибларига паст назар билан қарамайди. Умид қиламизки, у айни пайтда ажойиб спорт формасида бўлиб турган шогирдларини ўйинга руҳан тайёрлашда хатога йўл қўймайди. Зеро, "Насаф" футболчилари хотиржамликка берилишмаса, финал йўлланмаси муқаррардек туюлмоқда. Муҳими, концентрацияни йўқотмаслик керак.

Норчаевнинг кумири ким? Унинг голлари отасини хурсанд қилмадими?