UZ

Сўнгги янгиликлар

16:15Чеферин: "УEФА ҳеч қачон атиги 12 та клуб учун мусобақа яратмайди"  0 15:51Кувайт билан охирги учрашувда Ўзбекистон таркибида кимлар бўлган?  1 15:22Ўзбекистон – Кувайт учрашувини кимлар шарҳлаб боради?  9 15:00Ўзбекистон футбол ассоциацияси ва Қозоғистон футбол федерацияси раҳбарлари учрашуви бўлиб ўтди  0 14:40"Андижон", "Нефтчи" ва "Пахтакор"га турли сабабларга кўра жарима солинди — Тартиб-интизом қўмитасининг қарорлари  4 14:16"Барселона" рекорд даражада даромад кўрди  2 13:48"Қайрат" Чемпионлар Лигасидаги иккита мағлубиятдан кейин қанча ишлаб олди?  1 13:21Виктор Карпенко: "Боб Хоутон танаффусда ўзини жуда хотиржам ва ишончли тутганди, иккинчи бўлимда бизни тўхтатиб бўлмасди"  8 12:57Бир ўйин тарихи. Ўзбекистон - Кувайт 3:2. Терма жамоамиз тарихидаги энг чиройли камбэк қандай юз берган?  4 12:39МЮ мухлислари бағрига шамол тегиши мумкин  5 12:14"Бока Хуниорс"нинг афсонавий мураббийи оламдан ўтди  0 11:55Марсело Бьелса: "Ўзбекистон ЖЧда иштирок этишининг ўзи катта натижа деб биламан. Ушбу йиғинда ҳар бир футболчининг имкониятларини кўриб олишимиз керак" (матбуот анжумани)  1 11:27Марсело Бьелса: "Ўзбекистон — мундиалга борадиган жамоа"  1 10:46МЮ раҳбари Аморимга 3 йил вақт берган  7 10:15"Нефтчи" собиқ мураббийи билан ҳисоб-китоб қилди  0

18 ёшида илк чемпионатимиз тўпурари ва энг яхши футболчиси бўлган Валерий Кечинов бугун 45 ёшга тўлди Янгиликлар

18 ёшида илк чемпионатимиз тўпурари ва энг яхши футболчиси бўлган Валерий Кечинов бугун 45 ёшга тўлди

Бугун ўзбекистонлик машҳур ҳужумчи, илк мустақил чемпионатимиз тўпурари ҳамда энг яхши футболчиси Валерий Кечинов ўз таваллуд айёмини нишонлаяпти.

Миллионлар ўйинидаги илк қадамларини Тошкентнинг “Трактор” футбол мактабида қўйган Валера шаҳар чемпионатида тўпурарлик маҳоратини намойиш этади. Илк мураббийи отаси - “Пахтакор” жамоасининг собиқ футболчиси, Республика тоифасидаги ҳакам Виктор Петрович Кечинов бўлган. Истеъдодни пайқаган “Пахтакор” скаутлари уни ўз сафларига қўшиб олишади.

Кечинов 1992 йилда ўтказилган футбол бўйича илк мустақил Ўзбекистон чемпионатида “Пахтакор” шарафини ҳимоя қилган. 18 ёшли ўсмир ўша мавсум чемпионатининг энг яхши футболчиси ва тўпурарига айланди. Валерий ёш бўлишига қарамай, олий лигада 24 та гол киритишга муваффақ бўлган эди. 

Кечинов фаолияти давомида “Спартак”, “Сатурн-REN TV”, “Шинник” каби клубларда тўп тепган. 1993 йили Москвага кўчиб кетган Валерий Россия футболи байроқдори “Спартак” клуби билан шартнома имзолайди. У 1993, 1994, 1996, 1997, 1999 ва 2000 йилларда айнан “қизил-оқлар” таркибида Россия чемпиони бўлган. 1993 ва 1994 йилларда Россия кубоги соҳибига айланган. 

Футболчилик фаолиятини якунлаганидан сўнг, мураббийлик курсларида ўқийди. 2006 йилдан 2008 йилгача Кечинов “Спартак” ёшларига устозлик қилган. 2008 йилда эса “Томь” бош мураббийи Мирослав Ромашенко ёрдамчиси вазифасида ишлаган.

Футболчилик фаолияти

1992 - 1993 “Пахтакор” (38 та ўйин - 30 та гол)

1993 - 2000 “Спартак” (112 та ўйин - 35 та гол)

2001 - 2002 “Сатурн-REN TV” (36 та ўйин - 13 та гол)

2002 - 2004 “Шинник” (42 та ўйин - 7 та гол)

Алишер Никимбаев Кечинов ҳақида:

“Валерий Кечинов Ўзбекистон миллий терма жамоаси либосида ҳам майдонга тушган ва хатто голлар ҳам урган. Лекин мустақиллигимизнинг илк йилларидаги ўйинлар ФИФАга киритилмагани учун кейинчалик унда Россия терма жамоасида ўйнаш имконияти юзага келади ва у бундан фойдаланиб қолади. Валерий 1993 йилги чемпионатнинг 10-туридан сўнг Москвага кўчиб кетган. Қизиқ томони шундаки, айнан 10-турда Кечинов ва Миржалол Қосимов “Пахтакор” сафида майдонга тушишган. Бу учрашув Кечинов ва Қосимов бирга ўйнаган ягона баҳс сифатида тарихга кирган. Валеранинг ўзи учун бу “Пахтакор” либосидаги сўнгги ўйин бўлиб қолган. 

1993 йили мен таътилни ўтказиш учун Москвага, кейин у ердан Минск шаҳрига борганман. Ўша пайтда Беларусь пойтахтида олимпия терма жамоамиз йиғин ўтказаётганди. Кечинов ёши бўйича олимпиячиларимиз таркибида ўйнай оларди. Москвада “Спартак” - “Локомотив” (3:0) учрашувидан кейин журналист сифатида Николай Старостинга Валерий ҳақида савол берганман. Николай Петрович ўша пайтда “Спартак” клуби бошлиғи эди. Валера “Спартак” билан расман шартнома имзолаганидан кейин, уни терма жамоа ўйинларига қўйиб юборасизларми, деб сўраганимда, Старостиндан ижобий жавоб олганман. Лекин ўшандан кейин Кечинов умуман миллий терма жамоамизда ўйнамаган. 

Фурсатдан фойдаланиб, Ўзбекистон футболи тарихидан жой олган Валерий Кечиновга туғилган кун муборак бўлсин, деб қоламиз!

Рейтинг: -5   

Фикрлар

championat.asia
< сўнгги янгиликларни кўриш
Яндекс.Метрика