16-тур дисквалификациялари

Тошкентнинг “Бунёдкор” клуби навбатдаги турда икки нафар асосий футболчиси хизматларидан фойдалана олмайди. “Пахтакор”га қарши кечган ўйинда ҳимоячи Анвар Ғофуров ва ярми ҳимоячи Жавлон Иброҳимов сариқ карточка олишди. Иккала ўйинчи учун бу огоҳлантиришлар мавсумдаги тўртинчиси бўлди. Шу сабабли Ғофуров ҳам, Иброҳимов ҳам 17 август куни бўлиб ўтадиган “Металлург”га қарши сафардаги ўйинда майдонга туша олишмайди. “Пахтакор”га қарши ўйинни дисквалификация туфайли ўтказиб юборган Артём Филипосян эса сафга қайтди.

Зарафшоннинг “Қизилқум” клубига давралар оралиғида кўчиб ўтган ярим ҳимоячи Жалил Кимсанов кейинги турда дам олади. Сабаби футболчи “Насаф”га қарши кечган баҳсда ҳакам томонидан икки марта огоҳлантирилди ва майдондан четлатилди. Кимсанов 17 август куни Жиззахда “Сўғдиёна”га қарши ўйинда майдонга туша олмайдиган бўлди. Таъкидлаш лозимки, бу футболчи биринчи даврани айнан “Сўғдиёна” таркибида ўтказганди.