RU

Последние новости

00:41Левченко: "Пахтакор" нима қилди? Фақат ҳимояланди-ку"  7 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   34 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  221 20:00"Қўқон-1912" "Қизилқум"нинг мағлубиятсиз сериясига чек қўйди  11 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0 16:28"Манчестер Сити" "Барселона" ярим ҳимоячисини нишонга олди  2 15:19ЎзЭл Классикосига превью  15 14:54"Истанбул Башакшехир"нинг янги бош мураббийи маълум  6

Зоҳид Исмоилов: "Ёзёвон-Лочинлари" жамоасини қайтадан ташкил этиш қийин" Новости

Зоҳид Исмоилов: "Ёзёвон-Лочинлари" жамоасини қайтадан ташкил этиш қийин"

Хабарингиз бор, шу кунларда турли интернет нашрлари ва ижтимоий тармоқларда 2019 йилги Про-Лига мусобақаларида иштирок этувчи жамоалар ҳақида хабарлар тарқалди.

Мазкур хабарларга кўра, Ёзёвон туманининг "Ёзёвон-Лочинлари" жамоаси янги мавсумда Про-Лига мусобақаларида иштирок этмайди. Шу боис биз "Ёзёвон-Лочинлари" жамоаси сардори Зохид Исмоилов билан боғланиб, мазкур вазият юзасидан интервью олдик. Қуйида ушбу интервьюнинг тўлиқ матни билан танишишингиз мумкин.

Зоҳид, шу кунларда тарқалган хабарларга кўра "Ёзёвон-Лочинлари" жамоаси янги мавсумда Про-Лига мусобақаларида иштирок этмаслиги маълум бўлди. Мазкур вазиятни қандай изоҳлайсиз?


Ҳа бу хабарлар ҳақида эшитдик. Очиғи бу холат сабабини тушунганимиз йўқ. Мана 5 йилдирки, Ёзёвонда кўплаб мухлисларга эга жамоа футбол учрашувларини ўтказиб келаётган эди, туманимизда катта футбол ҳавоси бор эди. Ўзим ҳам шу туманда истиқомат қиламан, табиийки деярли барча мухлисларни танийман, улар билан мунтазам фикрлашиб турамиз. Шу хабарлар чиққандан бери уяли телефонимга жуда кўплаб қўнғироқлар бўлди. Ҳамма шу холатни изоҳини сўрамоқда. Бу бўйича бугун жамоамиз раҳбарлари билан гаплашдик, билишимизча жамоамиз рўйҳатдан ўтиш жараёнига кеч қолган экан. Бу масала бўйича бирон нарса дейиш қийин, кимнидир айблаш ҳам нотўғри бўлади. Янги мавсумга тайёргарлик кўраётган, бир нечта ўртоқлик учрашувида майдонга тушган жамоадошларимнинг шу хабардан кейин кайфияти тушиб кетди.

Айни дамда жамоада вазият қандай?

Жамоамизда вазият яхши эмас албатта. Барча жамоадошларимиз билан хайронмиз. Ўтган йилги мавсумда Про-Лига "В" гуруҳида иштирок этиб, мавсумни 5-ўрин билан якунлагандик. Уй учрашувларимизда ҳар доим кўплаб мухлислар ташриф буюришарди.

Яқинда бўлиб ўтган Фарғона вилояти "Ҳоким кубоги" мусобасининг биз иштирок этган гуруҳ учрашувлари ҳам Ёзёвон туманида ташкил этилди. Бу мусобақада ҳам натижамиз ёмон бўлмаганди, гуруҳда биринчи ўринни эгаллаб, чорак финалда "Шердор" жамоасига пенальтилар сериясида мағлуб бўлгандик. Бизда янги мавсумга тайёргарлик яхши ташкил этилаётган эди. Бу йилдан ПФЛ талабларига кўра жамоамизнинг ёшлар жамоаси ҳам ташкил этилган эди. Энди шунча ёш футболчи нима қилади? Улар янги мавсумни орзиқиб кутаётган бир пайтда шу хабар чиқиб қолди. Ёзёвонда катта футболнинг бўлиши бир нечта иқтидорли футболчиларни кашф этилишига сабаб бўлаётган эди. Масалан Абдужамол Исроилов, Аброр Исмоиловлар айнан бизнинг жамоа орқали футболга кириб келишган.

Агар бу йилги мавсумда "Ёзёвон-Лочинлари" Про-Лига учрашувларида иштирок этмаса, кейин қайтадан ташкил этиш қийин бўлади. Шунча янги мавсумдан умидвор бўлиб турган ёш футболчилар футболдан бенасиб қолиши турган гап. Хуллас ҳозирги вазиятни тушуниш қийин, кичкинагина туманда бир неча йиллардан бери ташкил этиб келинаётган футболни олиб ташлаш тўғримикан? Футболсевар мухлислар, ёш футболчилар учун бизни Про-Лигада иштирок этишимизни таъминлашнинг иложи борми?
Ўзбекистонда кейинги йилларда футболни ривожлантириш масаласида кўплаб хайрли ишлар олиб борилмоқда. Шуни айтишим мумкинки, биз ЎФА ва ПФЛ қарорларини ҳар доим ҳурмат қилиб келганмиз ва шундай бўлиб қолади ҳам.

Ҳозирча 2019-йилги Про-Лига иштирокчилари ҳақида ПФЛ расман маълумот бергани йўқ. Балки якуний қарорда "Ёзёвон-Лочинлари"га ҳам имкон берилар?

Ҳали бу борада тасдиқланган маълумот йўқми?

Ҳа шундай. ПФЛ бу борада расмий маълумот бергани йўқ.

Умид қиламизки, Ўзбекистон ПФЛ бизга имкон беради. Агар шундай бўлса янги мавсум биз учун жуда қадрли бўлади. Кайфиятни туширмай янги мавсумга тайёргарлик кўришда давом этамиз.

Бекзод Толибов ёзиб олди.

Рейтинг:    

Комментарии

championat.asia
< посмотреть последние новости
Яндекс.Метрика