Журналистлар ва "Машъал" ходимлари ўртасида ўртоқлик учрашуви ўтказилди + ФОТОГАЛЕРЕЯ

Жуда қизиқарли ва муросасиз курашлар, симуляциялар, қизил карточкаларга бой ўтган ўйин жанговар 4:4 ҳисоби билан якунига етди. ОАВ жамоасининг голларига Толибжон Қосимов, Ёқубжон Бобожонов ҳамда Нарзулла Сайдуллаев (2та)лар муаллифлик қилишди.

ОАВ жамоаси - "Машъал" ходимлар 4:4

Учрашувнинг фотогалереясини ҳам эътиборингизга ҳавола этамиз.

Юқори қатор (чапдан ўнгга): Дилшод Андаев ("Машъал-2" бош мураббийи), Ёқубжон Бобожонов (uff.uz), Исломбек Рустамбеков (championat.asia), Шуҳратбек Жўраев ("Футбол Экспресс" газетаси), Зафар Қосимов (uff.uz)

Пастки қатор (чапдан ўнгга): Толибжон Қосимов (championat.asia), Нарзулла Сайдуллаев (championat.asia)

ОАВ жамоаси дарвозасини шу куни uff.uz сайти вакили Зафар Қосимов муносиб ҳимоя қилдилар. Агар дарвозада бошқа одам турганида йирик ҳисобда ютқазган бўлардик.

Нарзулла Сайдуллаев (чапда) тўп учун курашга кирмоқда...

Учрашув давомида рақиб дарвозабонининг оёқлари орасидан гол урган, иккита голли пас оширган, дарсликларга киритишга арзийдиган симуляцияларни кўрсатиб берган ОАВ жамоасининг энг енгил вазндаги аъзоси - Толибжон Қосимов.

Шуҳратбек Жўраев оғзаки кўрсатмаларни бериб туриш билан бирга, ўзлари ҳам фаол ўйнадилар.

Учрашувдаги энг чиройли голга муаллифлик қилган Ёқубжон Бобожонов (чапда).

Учрашувни "Машъал" клуби бош директори Илҳом Қурбонов ҳам кузатиб борди.

Фото: Ҳумоюн Довуров