Забиҳилло Ўринбоев: "Энди бор эътиборимизни "Зоб Аҳан"га қарши ўйинга қаратамиз"
31 мар 2016 22:35
Новости

Забиҳилло Ўринбоев: "Энди бор эътиборимизни "Зоб Аҳан"га қарши ўйинга қаратамиз"

Олий лиганинг 3-тури доирасидаги "Бунёдкор" - "Машъал" (0:0) учрашувидан сўнг "қалдирғочлар" ҳужумчиси Забиҳилло Ўринбоев ўз фикрларини билдирди.

"Мазкур тўқнашув биз учун жуда қийин кечди. "Машъал" жамоаси ҳимоядан ўйнагани боис уларнинг мудофаа чизиғини ёриб ўтиш катта қийинчилик туғдирди. Жамоамиз яхши ўйнади. Ғалабани ўз томонимизга оғдириб олишга роса уриндик. Аммо якунда буни уддалай олмадик. Ғалаба қозона олмаганимизга сабаб? Омад етишмагани туфайли бугун икки очкони йўқотдик. Гол ура олмаётганим? Бу футбол. Бу кунлар ўтиб кетади ва тез орада гол уришни бошлайман деб ўйлайман. Жамоамизда руҳий тушкунлик йўқ. Ҳозиргина мураббийлар кийиниш хонасида бор эътиборни "Зоб Аҳан"га қарши ўйинга қаратишимизни таъкидлашди. Энди бўлажак ўйин ҳақида ўйламоқдамиз. Агарда кейинги баҳсда Эрондан ғалаба билан қайтсак, шунда ҳаммаси ювилиб кетади", - деди Забиҳилло Ўринбоев.