"Ювентус" Кьеллини билан шартномани узайтиради. У клубда 15 йилдан бери ўйнайди
18 фев 2020 23:48
Новости

"Ювентус" Кьеллини билан шартномани узайтиради. У клубда 15 йилдан бери ўйнайди

Туриннинг "Ювентус" клуби ҳимоячи Жоржо Кьеллини билан ҳамкорликни давом эттиради.

Бу ҳақда "Goal.com" сайти хабар қилди. Итальян жамоаси Кьеллинига яна бир йилга мўлжалланган шартнома таклиф қилади. "Кекса синьора"га яқин манбалардан бирининг хабарига кўра, томонлар орасида тузиладиган шартнома, шунчаки, расмиятчиликдир. Кьеллини аллақачон раҳбарият билан битим шартлари бўйча келишиб олган.

Эслатиб ўтамиз, Кьеллини 2005 йилдан бери "Ювентус" либосида майдонга тушиб келмоқда. У туринликлар учун 508 ўйинда 36 гол, 20та самарали узатмага муаллифлик қилган.