«Ювентус» ЕЧЛда 621 дақиқадан буён гол ўтказмаяпти, плей-офф рекордигача битта ўйин қолди
04 мая 2017 09:20
Новости

«Ювентус» ЕЧЛда 621 дақиқадан буён гол ўтказмаяпти, плей-офф рекордигача битта ўйин қолди

«Ювентус» ЕЧЛ ярим финалида «Монако»дан устун келди (2:0).

Турин клуби ЕЧЛ доирасида 6та ўйиндан буён гол ўтказмаяпти, улардан бештаси плей-оффда кузатилди.

Сўнгги бор «Ювентус» гуруҳ босқичи 5-турида «Севилья»га қарши ўйинда (3:1) гол ўтказганди. «Ювентус»нинг ЕЧЛдаги қуруқ серияси 621 дақиқага етди.

Бу ўйинларда фақат бир бор «Юве» захира посбони Нето майдонга тушди, қолган барча учрашувларда Жанлуижи Буффон дарвозани қўриқлаган.

Туринликлар ЕЧЛ плей-офф босқичида кетма-кет 5та қуруқ ўйин ўтказган учинчи клубга айланишди. Бундай натижага олдин «Милан» 2004/05 йилда ва «Арсенал» 2005/06 йилда эришишганди. Лондон клуби 6та ўйинда гол ўтказмай рекорд қайд этган.

Қизиғи юқоридаги иккала клуб ҳам ўша йил финалга чиқиб ютқазиб қўйишган.