Юрген Клопп: "Иммобиле ўзи пенальти тепишни истади"

Ғалабага муносиб бўлиш учун имкониятларни голга айлантириш керак. Биз вазиятлардан фойдалана олмаганимиз етмагандек, икки бор ўз жарима майдончамиз ичида ёмон ўйнадик ва рақибга гол киритиш имконини бериб қўйдик. Бугун мағлубиятга яраша ўйнадик. Умуман олганда ўйин ёмон эмас. Вазиятлар яратдик, аммо рақиб ўз имкониятларидан унумли фойдаланди ва ҳақли равишда ғалабани тантана қилди. Сен ўйинни қандай зўр бошласанг ҳам, иккинчи таймда ўз дарвозангдан иккита тўп олиб чиқар экансан, унда мағлубиятга лойиқ ўйнаган бўласан. Футболчиларимга керакли паллада концентрация етишмади. Адриан Рамос гол киритиш учун имкониятларга эга бўлди. Лекин ўхшамади. Мен пенальтини ким тепиши кераклигини айтмагандим. Чиро Иммобиле ўзи бу ишни амалга оширишни истади. Бироқ Чиро бу вазиятда тўғри зарба беролмади.