Янги Зеландия футболчилари Қатарга қарши ўртоқлик ўйинида иккинчи таймда майдонча чиқишмади

Янги Зеландия Австрияда Қатарга қарши ўртоқлик учрашуви ўтказаётган эди. Биринчи таймдан сўнг Океания вакиллари 1:0 ҳисобида ғалаба қозонаётганди.

Ҳимоячи Майкл Бокселл номига ирқчилик рухидаги ҳақоратлар янграганидан сўнг футболчилар иккинчи таймда майдонга тушишни хоҳлашмади.

"Майкл Бокселл биринчи таймда қатарлик футболчи томонидан ирқчилик рухидаги сўзлар билан ҳақорат қилинди. Ҳакамлар ҳеч нарса қилишмади, шусабабли жамоа иккинчи таймга чиқмасликка келишиб олди" - дейилади терма жамоа баёнотида.