Кейннинг "Бавария"даги келажаги маълум

Бу ҳақда "Bayern & Germany" нашри хабар берди.

Манбага кўра, клуб шартномани узайтиришни ташаббус қилмоқда. Кейннинг ўзи таклифга қарши эмас ва уни қабул қилишни режалаштирмоқда. Таъкидланишича, ҳужумчининг илгари "Барселона"га ўтиши мумкинлиги ҳақида хабар берилгани раҳбарият билан ҳеч қачон муҳокама қилинмаган.

Футболчи 2026-йилги Жаҳон чемпионатидан кейин клуб билан шартномани бир йиллик узайтириш ҳақида гаплашишни режалаштирмоқда.

Кейннинг Мюнхен клуби билан амалдаги шартномаси 2027-йил июн ойининг охиригача амал қилади. Ҳужумчи жорий мавсум 23 та учрашувда майдонга тушди. Унинг ҳисобида 28 та гол ва 3 та ассист бор.