Хоразмда ўсмирлар ўртасида Ўзбекистон биринчилиги бошланди

Тантанада вилоят ва Янгибозор тумани ҳокимлиги, вилоят маданият ва спорт ишлари бошқармаси, вилоят футбол федерацияси ҳамда кенг жамоатчилик вакиллари иштирок этишди. Ўз навбатида Янгибозор тумани ҳокими ўринбосари Саидназар Саиджонов, Ўзбекистон Миллий Олимпия қўмитасининг вилоят бўйича вакили Комилжон Жуманиёзов, вилоят маданият ва спорт ишлари бошқармаси бошлиғи Шокиржон Мадаминовлар ҳукуматимиз томонидан болалар футболини ривожлантириш борасида олиб борилаётган ислоҳотларнинг ижобий самаралар бераётгани ҳақида сўз юритишиб, мусобақада куч синашаётган ёш футболчиларга омадлар тилашди.



Бевосита мусобақа хусусида тўхталсак, жорий йилги биринчиликда ўн жамоа иштирок этмоқда. Айни дамда улар уч гуруҳга тақсимланишган:

“А” гуруҳи – Фарғона, Самарқанд, Тошкент вилоятлари.
“В” гуруҳи–Қорақалпоғистон республикаси, Наманган, Бухоро, Навоий вилоятлари.
“С” гуруҳи – Андижон, Сирдарё, Хоразм вилоятлари.
Биринчиликнинг дастлабки тўрт учрашувида қуйидаги натижалар қайд қилинди: Хоразм – Сирдарё – 2:0, Наманган – Қорақалпоғистон – 4:0, Бухоро – Навоий– 0:4, Тошкент вилояти – Самарқанд – 2:0.


Икром  ХУДОЙБЕРГАНОВ.