Холмурод Холмуродов: “Ўйин дербига мос бўлади”

Эслатиб ўтиш жоиз, ушбу футболчи кейинги турларда жароҳати боис, майдонга туша олмаяпти. Шундай бўлса-да, у ўз жамоадошларининг ўтказаётган ҳар бир учрашувларига бефарқ бўлмаяпти. Қолаверса, ўз вақтида мамлакатимиз ёшлар терма жамоаси таркибида Жаҳон чемпионати финалида иштирок этган Холмурод Холмуродов “Машъал” шарафини ҳам ҳимоя қилган футболчидир:

-   Бугун воҳа дербисида бир-бирига рўбарў келадиган ҳар икки жамоа мен учун бегона эмас. “Шўртан” ҳам, “Машъал” ҳам яхши жамоалар сирасига киради. Таркиб ҳам кўнгилдагидек шаклланган. Ғузорда ҳам, Муборакда ҳам исталган жамоага қарши мазмунли, чиройли ва кескин курашларга бой ўйин намойиш эта оладиган тажрибали, ёш ғайратли футболчилар гуруҳи жамланган.

Очиғини айтганда, футболдаги дербилар ҳар доим ушбу спорт туридаги баҳсларга ўзгача кескинлик, шижоат бахш этиб келган.

Шу боис бугун мухлислар ҳақиқий дербига гувоҳ бўлишади.Бу “тўқнашув”да қайси жамоанинг ғолиб чиқишига тўхталадиган бўлсак, бу спорт ва унда ҳамиша кучлилар тантана қилиши кузатилган. Шахсан мен, бугун “Оқ бўрилар” ютиши керак деб ўйлайман. Бунга яна бир омил шундаки, биз ўз уйимизда тўп сурамиз. Футболда эса “деворлар ҳам суяйди”, деган нақл бор. Бу бежизга айтилмаганку.

“Шўртан” ПФК матбуот хизмати