Холанд АПЛда ван Нистелройнинг рекордини янгилади ва Ширернинг натижасига жуда яқинлашди

Норвегиялик мусобақадаги 19-ўйинида 4-хет-тригини қайд этиб, бунга энг тез эришган футболчи сифатида рекорд ўрнатди. Аввалги энг яхши натижа Руд ван Нистелройга тегишли эди ва у 4 та хет-трик қайд этиши учун 65 та ўйинда қатнашиши талаб этилганди. Улардан кейинги ўринларда Луис Суарес (81 учрашувда), Алан Ширер (86) ҳамда Робби Фаулер (89) бормоқда.

Бундан ташқари, Холанд бир мавсум давомидаги хет-триклар сони бўйича Ширернинг 1995/96 йил мавсумидаги рекордига яқинлашди. Инглиз “Блэкберн Роверс” сафида ўша мавсумда 5 та хет-трик қайд этган.