RU

Последние новости

00:26Манише Феликс ҳақида: "Футбол лойиҳаси бўлиб қолди. Шундай клубларда имкониятлар, аммо у ишлашни хоҳламайди"  0 00:06"Интер" ва Нкункунинг агентлари трансфер шартларини муҳокама қилишмоқда  0 23:41Иван Бошкович: "Бугун нимадир ўхшамади"  0 23:14Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди  110 23:05Рўзиқул Бердиев: "Қарши ҳужум режасини туздик ва бу ўз мевасини берди"  8 22:50Виталий Левченко: "Катта устунликка эришиб якунда мағлуб бўлиш жуда аламли"  12 22:17Илёс Зейтуллаев: "Стадиондаги муҳит учун мухлисларга раҳмат айтаман"  4 22:00Суперлига. "Сўғдиёна" иккита гол урган ўйинда "Насаф" ғалаба қозонди  34 21:43Таҳлил. Бугун Фарғонада "Нефтчи" эмас Левченко ютқазди, Зейтуллаевга 5 баҳо  16 21:39"Челси" форварди АПЛнинг бошқа клубига ўтишга яқин  1 20:56Суперлига. "Бунёдкор" Фарғонада "Нефтчи"ни мағлуб этди  76 20:20"Барселона" Рэшфордни рўйхатдан ўтказиш учун кимни сотиши мумкинлиги маълум бўлди  13 19:31Нуньес эндиликда "Милан"нинг ҳужумчи позицияси учун асосий номзодидир  1 18:50Расман: Рамсдейл янги клуб билан шартнома имзолади  0 18:34Эдерсон янги клуб билан келишувга эришди  1

Хайрулла Холиқов кичик мундиалларни талаб қилди. Менда эътироз бор Новости

Хайрулла Холиқов кичик мундиалларни талаб қилди. Менда эътироз бор

Хуллас, ҳаммасига қитмирлигим сабаб (: ...аммо яхшиликка.

Бугун ҳамкасбим Хайрулла Холиқовнинг “Муносабат. ЎФФнинг янги президенти нималарга эътибор қаратиши керак”, деган мақоласи чиқди. Яхши ёзилган, ундаги барча фикрларга қўшилдим. Биттасидан ташқари.

Қўшилмаган жойимдан парча келтираман: “Янги раҳбар олдида аввало республикамиз бўйлаб болалар ва ўсмирлар футболини кўтариш, аёллар футболига эътибор бериш, ўсмирлар ва ёшлар терма жамоаларимизнинг мунтазам жаҳон чемпионатларида иштирокини таъминлаш, ҳали бажарилмаган вазифа — Олимпиада ўйинлари ва Жаҳон Чемпионатига чиқиш каби вазифаларни ҳал этиш туради”.

Футбол журналистикасида фаолият кўрсатишни бошлаганимдан буён ўз принципларимга кўра иш тутаман. Бунда болалар футболидан натижа талаб қилиш деган тушунчанинг ўзи йўқ. Истардимки, мамлакат футболининг кейинига шундай принцип бегона бўлмайди.

Балки Холиқовнинг ўзлари ҳам болалар футболидаги натижаларга қарши бўлсалар ажаб эмас. Шундай бўлса, ўсмирлар ва ёшлар термаларининг тинимсиз кичик мундиалларда ўйнашини талаб қилишлари тушунарсиз. Шу ерда эслатиб ўтиш керак, ўсмирлар футболи болалар футболининг интихоси, ёшлар футболи эса катта футболнинг ибтидосидир. Биз ортда қолган йиллар давомида мана шу икки фронт ишини нотўғри йўлга қўйдик.

Ўйлайсизки, сўнгги 2—3 йилда ёшлар ва ўсмирлар ЖЧга чиқа олмагани ЎФФ ёмон ишлаганидан дарак берадими? ЎФФ яхши ишламади деган фикрни илгари сурганим ҳолда айтаманки, унинг ёмон ишлаганини бу мезон билан ўлчамайман. Чунки бу юқорида айтганим принципга қарши боришим демакдир. Ўз вақтида ўсмирлар ва ёшларимиз кетма-кет мундиалларга борган вақтлар ҳам бўлди. Фақат сизга савол: бундан бир иш чиқдими?

Мексика қаҳрамонларини елкага олдик, кейингиларини бошга чиқардик. Аммо улар орасидан ақалли Россия Премьер-Лигасига тортадиган футболчи чиққани йўқ. Мамлакатнинг бугунги кундаги энг яхши футболчиси Одил Аҳмедов эса кичик мундиалда ўйнамаган. Шугина мисолнинг ўзи етарли эмасми?

Эски раҳбарият ўсмирлар ва ёшлар мураббийларидан натижа талаб қилгани учун ҳам ёшини кичиклаштирган футболчилар кўпайиб, футбол таг-томиридан узила бошлади. Убайдуллаев билан Мисрга борган Иван Нагаев ҳозир қаерда-ю, у билан тенгдош бўлган Старриж қаерда? Ахир биз ЖЧда инглизлар билан дуранг ўйнамаганмидик? Гейнрих, Зейтуллаев кабилар Иньеста, Маскераноларга қарши ўйнаган, аммо фарқи бор уларнинг, тўғрими? Мусаев йигитлари ЖЧда чорак финалга чиққандир. Лекин нима фойда борки, агар Франция, Уругвай каби термалар индамай 4 талаб гол уриб ташласа? Барибир фарқимиз яққол кўриниб турибди-ку.  

Нима демоқчиман. Бу каби натижалар миллий терма учун сариқ  чақалик аҳамиятга эга эмаслигини биз ортда қолган 8 йилда кўриб бўлдик. Марат Кабаевнинг 1991 йилда туғилган футболчилари ЖЧда ўйнамаса ҳам, тайинли футболчилар сонида уларнинг кўрсаткичлари Мисрда ўйнаган 89 ларникидан яхшироқ. Ўзимизча ёшлар футболида шерга ўхшаб қичқириб, катта футболда мушукча бўлганимиздан кўра, келинг, кичик мундиалларни планка деб олмайлик. Майли, Нуралиевнинг ҳозирги ўсмирлари бормасин ЖЧга, аммо таркибидан камида 6-7 нафар савияли йигитлар чиқсинки, биз катта футболда Эрон ёки Жанубий Корея олдида қалтираб турмайлик. Ёки ўша вариант — ЖЧда чорак финалгача борайлик-да, 6—7 йилдан кейин шу футболчиларни Олий Лигадан ҳам топа олмай юрайлик.

Автор :
Рейтинг: +61   

Комментарии

championat.asia
< посмотреть последние новости
Яндекс.Метрика