RU

Последние новости

19:58"Манчестер Юнайтед" Уоткинс борасида музокараларни давом эттирмоқда  1 19:33"Бавария" аъзоси трансфери яна кун тартибида – "Арсенал" чекинишни истамаяпти  0 19:10"Манчестер Юнайтед"ни кучлилар даврасига қайтарадиган 5 қадам. Қиммат ҳужумчилар — бошланиши  0 18:44Неймар фаолиятини Европа клубларидан бирида давом эттириши мумкин  1 18:16"Реал" Родри учун "Манчестер Сити"га 115 миллион евро таклиф қилмоқчи  6 17:49"Нефтчи" ярим ҳимоячиси жамоадан кетди  3 17:28"Ливерпуль" Конатени "Реал"га қўйиб юбормоқчи эмас  2 16:59Breaking! Исак "Ньюкасл"дан кетиш ниятида  3 16:37Жорже Жезуш: "Роналду – катта масштабдаги шахс"  13 16:09Суннатуллоҳ Ҳамиджонов: "ОЧЛ 2 гуруҳ босқичини муваффақиятли ўтказиб, мухлисларимизни хурсанд қилишга ҳаракат қиламиз"  1 15:41"Сурхон" легионер хавбеки билан хайрлашди, яна бир футболчисини "Андижон"га ижарага берди  2 15:39Август ойидан Ўзбекистонда ҳам футболнинг янги қоидалари кучга киради   1 15:20"Натижа учун баъзида мазмунли ўйиндан воз кечдик. Етакчиларимизни йўқотишни истамаймиз, Хебайдан эса кўп нарса кутгандик" — Рўзиқул Бердиев билан интервью  9 15:05Расман: "Милан"га клуб тарихидаги биринчи эквадорлик ўтди   0 14:48Халқаро тақвим: Август ойида нималар кутмоқда?  1

Хавини кутиб ол, Ла Лига ёхуд 14-тур превьюси Новости

Хавини кутиб ол, Ла Лига ёхуд 14-тур превьюси

Теги :  Ла Лига
Испания чемпионатининг 14-туридан бир қатор қизиқарли учрашувлар ўрин олган, улар билан танишамиз.

Атлетико - Осасуна

Охирги вақтларда ови бароридан келмаётган "матрасчилар" сўнгги тўрт ўйиндан бери ғалаба нималигини билмай келаётган "Осасуна"ни қабул қилади. Чемпионлар лигасида "Ливерпуль"дан тарсаки еган бўлса-да, мадридликлар ўз уйида унча-мунча жамоага таслим бўлмайди, яъни жамоа сўнгги 8 ўйиннинг 7 тасида мағлубиятга учрамаган. "Осасуна" сўнгги бор "Атлетико" устидан 2014 йилда зафар қучган, шундан бери клуб фақатгина мағлубият меваларини таътиб кўришга мажбур бўлган. Бироқ жамоанинг айни дамда 7-поғонада кетаётганини, қолаверса, Мадрид клуби охирги 5 ўйиннинг 4 тасида ғолиб келолмаганини инобатга олсак, мезбонлар яхшигина тер тўкишига тўғри келади.

Ўзаро ўйинлар сони: 87 

Мезбонлар ғалабаси-дуранг-меҳмонлар ғалабаси: 44-15-28

Айни дамда эгаллаб турган ўрни: 4-7

Жамоа тўпурарлари: Луис Суарес-Кике Гарсия


Барселона - Эспаньол

Хавининг қайтиши ўз ҳамшаҳарларига қарши ўйиинга тўғри келди. Қатарда "тики-така" қилиб ташлаган испаниялик собиқ футболчи ўз ҳунарини Каталонияда намойиш эта олармикан деган савол кўпчиликни қизиқтирмоқда. Қолаверса, ҳозирги "Барселона"нинг ҳолига ҳайвонот боғидаги барча жонзотлар кўзёш тўкишмоқда. Кўрамиз, Хави қайтди, Дани Алвес қайтди, аввалги "Барселона" ҳам қайтармикан? Каталония дербиси ҳар доим қизиқарли руҳда ўтган.

Ўзаро ўйинлар сони: 217

Мезбонлар ғалабаси-дуранг-меҳмонлар ғалабаси: 124-48-45

Айни дамда эгаллаб турган ўрни: 9-11

Жамоа тўпурарлари: Мемфис Депай-Рауль де Томас


Гранада - Реал Мадрид

Бир қарасанг, гранд жамоаларни мағлуб этадиган, бир қарасанг, аутсайдерларга очко улашадиган мадридликларни яна бир антиқа рақиб кутиб турибди. Бироқ "Қироллик клуби" учун бу жамоа омадли ҳисобланади, қаймоқранглилар ўзаро сўнгги 12 ўйинда шляпаларини осмонга ирғитишган. Аммо футболда ҳамма нарса бўлиши мумкин. "Гранада" турнир жадвалида янада пастга шўнғиб кетмаслик илинжида тиш-тирноғи билан кураш олиб борса, ажабмас. "Реал Мадрид" эса ўзидан олдинда бораётган бошқа "Реал"ни (Сосьедад) таъқиб қилишда давом этади.

Ўзаро ўйинлар сони: 56

Мезбонлар ғалабаси-дуранг-меҳмонлар ғалабаси: 7-10-39

Айни дамда эгаллаб турган ўрни: 17-2

Жамоа тўпурарлари: Суарес-Карим Бензема


Реал Сосьедад - Валенсия

13-турдан сўнг Ла Лига турнир жадвалини "Реал", "Барселона", "Атлетико", борингки, "Севилья" эмас, "Реал Сосьедад" бошқариб бораяпти десам, ушбу мавсумни энди кузатишни бошлаган одам ётволиб кулиши мумкин. Аммо бу ҳақиқат. "Реал"ларнинг камтарона жамоаси сўнгги 11 ўйиндан бери рақибларини ранжитиб келмоқда. Бу кўрсаткич эса ундан қуйироқдаги гранд клубларнинг сўлагини оқизиши табиий ҳол. "Валенсия" ҳам совға жамоа эмас. Улар исталган жамоага бошоғриқ бўла олади. Сўнгги турда "Атлетико"дан очко тортиб олгани бунинг яққол намунасидир. Хуллас, ушбу ўйинни ҳам марказий ўйинлар қаторида бемалол атасак бўлади.

Ўзаро ўйинлар сони: 156

Мезбонлар ғалабаси-дуранг-меҳмонлар ғалабаси: 50-38-68

Айни дамда эгаллаб турган ўрни: 1-10

Жамоа тўпурарлари: Микель Ойарсабаль-Карлос Солер 


Оқил Абдубарноев тайёрлади

Рейтинг: +6   

Комментарии

championat.asia
< посмотреть последние новости
Яндекс.Метрика