"Водий футболи": Янги футболчилар, Эрматов, Бобохонов ва "Насаф" ҳақида

"Навбаҳор": Эртага янги футболчилар таништирилади

Клубимиз раҳбарияти ва мураббийшлар штаби ўзаро келишган холда тақдимот маросимини эртага (12 август куни) ўтказишга қарор қилишди. Янги футболчиларни таништирув маросими эртага соат 17.00 да "Навбаҳор" ўйингоҳида бўлиб ўтади. Барча ОАВ вакиллари ва жамоамиз мухлисларини таништирув маросимига таклиф этамиз.


"Нефтчи": Водий дербиси Равшан Эрматовга топширилди

18-турнинг марказий ўйини "Навбаҳор" ва "Нефтчи" ўртасида бўлиб ўтади. ПФЛ ушбу баҳсга ФИФА ҳаками Равшан Эрматовни тайинлади. Бу мавсумда Эрматов иккала жамоанинг учтадан ўйинида ишлади. Эътиборлиси биринчи даврада ушбу жамоаларнинг Қўқонда кечган учрашувида ҳам айнан Осиёнинг 5 карра энг яхши ҳаками фаолият олиб борган эди. Ўшанда "Нефтчи" 1:0 ҳисобида зафар қучганди.

"Нефтчи" Эрматов бошқарган қолган икки баҳсда ютқазган - "Насаф"га 0:1 ва "Шўртан"га 1:4. "Навбаҳор" бу мавсумда ушбу ҳакам бошқарган учала ўйинда ҳам ютқазган - "Андижон"га 2:3 ва "Локомотив"га 1:5.

Водий дербиси 15 август куни Намангандаги "Марказий" стадионда бўлиб ўтади.


"Андижон": Иқбол Бобохонов кейинги турда ўйнай олмайди

"Андижон" клуби 18-турни ўз майдонида "Олмалиқ"қа қарши ўтказади.

Ушбу баҳсда "бургутлар" ҳимоячиси Иқбол Бобохонов майдонга туша олмайди. Сабаби ўтган турда гол уриб "Андижон"га ғалаба келтирган футболчининг сариқ картчокалари сони тўрттага етди.

"Андижон" - "Олмалиқ" учрашуви 15 август куни "Соғлом Авлод" стадионида бўлиб ўтади.


"Қўқон-1912": "Насаф"ни ўз майдонимизда 4 марта мағлуб этганмиз

Олий лиганинг 18-турида "Қўқон-1912" клуби ўз уйида "Насаф"ни қабул қилади.

Бу жамоалар ўртасида водийда бўлиб ўтган беш ўйиннинг тўрттасида “Қўқон-1912” ғалаба қозонган. “Аждарлар” сафарда бир марта (2000 йил) уч очкони қўлга киритган. Охирги икки ўйинда қўқонликлар рақибни бир хил 3:0 ҳисоблари билан таслим қилишган.