Виталий Денисов: "Уруш бўлмасин"

Ўзбекистон миллий терма жамоаси собиқ футболчиси Виталий Денисов айни дамда Украина ва Россия ўртасида бўлаётган зиддиятларга ўз муносабатини билдириб ўтди. Футболчимиз ўзининг ижтимоий тармоқлардаги саҳифаларида "Уруш бўлмасин", -дея ёзиб қолдирди.

Эслатиб ўтамиз, 35 ёшли ўзбекистонлик футболчи ўз фаолияти давомида Украина ҳамда Россия клубларида ўйнаган. Футболчи илк профессионал шартномасини ЦСКА (Москва) билан тузган. Кейинчалик эса у “Спартак” (НН), “Днепр” (Украина), “Локомотив”, “Крилья Советов”, “Рубин”, “Ротор”, “Томь” ва “Балтика” жамоалари шарафини ҳимоя қилган.