Ла Лига. "Барселона" "Бернабеу"да ожиз қолди

"Реал" вингери Винисиус Жуниор Ла Лига 26-тури доиррасида "Барселона" (2:0) дарвозасини ишғол қилганидан хабарингиз бор. Винисиус бу ишни 19 ёш-у 233 кунлигида амалга оширди ва жорий аср давомида Испания чемпионати доирасидаги "Ал Мумтоз" баҳсларида тўп киритган энг ёш футболчи мақомини ўзиники қилиб олди. Бунга қадар бу рекорд "Барселона" форварди Лионель Мессига тегишли эди. Аргентиналик футболчи 2007 йилнинг март ойида, 19 ёш-у 259 кунлигида "қироллик клуби" дарвозасини ишғол қилган эди.