Виктор Кумиков: “Олдимизга қўйилган вазифани бажара олмадик”
22 сен 2017 22:11
Новости

Виктор Кумиков: “Олдимизга қўйилган вазифани бажара олмадик”

“Қизилқум”- “Олмалиқ” (2:2) учрашувидан кейинги матбуот анжуманида дастлаб меҳмонлар устози Виктор КУМИКОВ учрашув ҳақидаги фикрлари билан ўртоқлашди.

-Ушбу ўйинга олдимизга қўйилган вазифани бажара олмадик. Иккита гол урсакда, ғалабани сақлаб қола олмадик. Ўйлашимча, бугун ёмон ўйнадик. Яна гол уриш учун имкониятлар бўлсада, ундан самарали фойдалана олмадик.

-Камол Мурзоевни учинчи ўйиндирки майдонда кўрмаяпмиз...

-Унда жароҳат бор. Умуман ўйин олдидан таркибимизда жиддий йўқотишлар бор эди. Норбеков, Григалашвили ва икки нафар дарвозабонимиз жароҳати боис майдонга туша олишмаяпти. Уларнинг йўқлиги ҳам бизга қимматга тушмоқда.

-Бугун учинчи, ёш дарвозабонни майдонга туширидингиз. Унинг ҳаракатлари сизни қониқтирдими?

-У хато қилмади, шунчаки гол киритилган вазиятда жамоани қутқара олмади. Энг муҳими хато қилмаяпти.

“Қизилқум” матбуот хизмати.