Валентин Коваленко ОЧЛ ярим финалини бошқаради

ОФК Осиё Чемпионлар Лигасининг бу йилги мавсуми ярим финал ўйинларини бошқариб борадиган ҳакамлар номини эълон қилди. Унга кўра, «Кашива Рейсол» (Кашива) - «Аш Шабоб» (Ар Риёд) жуфтлиги ғолиби ярим финалда «Гуанчжоу Эвергранд» (Хитой) - «Лаҳвия» (Қатар) жуфтлиги ғолибига қарши баҳс олиб боради. Дастлабки ўйинга «Кашива Рейсол» - «Аш Шабоб» жуфтлиги ғолиби мезбонлик қилади. Мазкур ўйинда Валентин Коваленко бошчилигидаги ўзбекистонли ҳакамлар бригадаси ишлайди.

ОЧЛ-2013. Ярим финал. Дастлабки ўйин.
25 сентябрь.
«Кашива Рейсол» / «Аш Шабоб» - «Гуанчжоу Эвергранд» / «Лаҳвия»
Бош ҳакам: Валентин Коваленко (Ўзбекистон)
Лайнсменлар: Рафаэль Ильёсов, Маъмур Саидқосимов (Иккиси ҳам Ўзбекистон)
Заҳира ҳаками: В. Цейтлин
Назоратчи: Чонг Йим (Гонгконг)
Комиссар: Майкл Бордалло Жон (Гуам)