Вадим Абрамов: "Қизилқум"га қарши икки марта ўйнаймиз"

"Ўзбекистон Кубоги баҳслари бир ўйиндан иборат. Бу яхшими ёки ёмон? Ҳозир бунинг аҳамияти йўқ. Пандемия сабабли анча вақт йўқотдик. Натижада Ўзбекистон Кубогини ўтказиш йилнинг охирига қолди. Табиийки, қисқа вақт ичида мусобақани ўтказиш керак. Асосийси шу ва бу нормал ҳолат. Лекин биз учун Кубок ўйинлари икки ўйинга тўғри келяпти (кулиб). Биласиз, 3 декабрь куни Суперлиганинг сўнгги турини сафарда «Қизилқум»га қарши ўтказамиз, орадан уч кун ўтиб энди Кубок баҳсларида «Қизилқум» меҳмони бўламиз. Бу худди Кубокда иккита ўйин ўтказишдек гап. Албатта Кубок учрашувини ўз майдонимизда ўтказаганимиз маъқул эди. Зеро, бир жамоага қарши сафарда икки марта ўйнаш, икки бор меҳмонга боришнинг ноқулай томонлари ҳам бор. Шунинг учун сафардаги учрашув билан уйда ўйнашнинг фарқи бўлади. ПФЛ Ўзбекистон Кубоги қуръасининг формати бўйича ўз таклифини ўртага ташлаганида айни бугун қўлланилган форматни танлагандим. Яъни, ҳар босқич учун қуръа ташлаш",- дейди Вадим Абрамов.

Маълумот ўрнида айтиб ўтиш жоиз, "Бунёдкор" жамоас Ўзбекистон кубогидаги иштирокини "Қизилқум"га қарши баҳс билан бошлайди.