«УзДонгЖу» Тошкентда йиғин бошлади
01 мар 2017 21:15
Новости

«УзДонгЖу» Тошкентда йиғин бошлади

Андижоннинг «УзДонгЖу» жамоаси йиғини энди Тошкентга кўчди. Жамоа аъзолари Андижон-Тошкент йўналишидаги поездда пойтахтга етиб келди.

Бугундан эса машғулотларга киришилди. Одатдагидек футболчилар кунига икки маҳалдан шуғулланишмоқда. Эрталабги машғулотда асосий эътибор жисмоний тайёргарликка қаратилаётган бўлса, тушликдан сўнг тактик тайёргарлик борасида ишланмоқда.

Ушбу йиғин чоғида, кўпроқ эътибор синов-назорат баҳсларига қаратилади. Режага кўра, 2 март куни «Локомотив-БФК», 5 март - «Каспий» (Қозоғистон), ҳамда 7 март санасида «НБУ-Осиё» жамоалари билан ўйин ўтказиш режалаштирилган. Сўнгги ўртоқлик ўйинидан кейин пойтахт йиғини якунига етади.

Дарвоқе, таркибга «Андижон»дан Аброр Комилов келиб қўшилди. 21 ёшли футболчи машғулотларда ўзини кўрсатиш учун астойдил ишламоқда.

«УзДонгЖу» матбуот хизмати.