Универсиада-2013. Делегациямиз ҳисобидаги медаллар сони 16 тага етди

Ўзбекистон делегацияси умумжамоа ҳисобида 19 – ўринни, медаллар сонига кўра эса 6 – ўринни банд этиб турибди.

Юртимиз спортчилари ҳозирча – бокс (1 олтин – 4 кумуш – 3 бронза), белбоғли кураш (1 кумуш – 3 бронза), дзюдо (1 кумуш – 1 бронза) ва оғир атлетика (1 кумуш – 1 бронза) спорт турларида совринли ўринларни эгаллашди.  

Шу ўринда таъкидлаш жоизки, бугунги кунга қадар мусобақаларда иштирок этган 29 нафар спортчимиздан 15 нафари (ўртача ҳар икки спортчидан бири) совриндорлар сафидан ўрин эгаллашди.  

Олдинда мамлакатимиз спортчилари иштирок этадиган – оғир атлетика, эркин ва юнон-рум кураши, байдарка ва каноэда эшкак эшиш, самбо, бадиий гимнастика бўйича мусобақаларда турибди ва умид қиламизки юқорида номлари зикр этилган спорт турларида ҳам кўплаб медаллар қўлга киритилади.  

Бугун Универсиада ўйинларида спортнинг 17 тури бўйича мусобақалар ўтказилади. Юртимиз вакиллари дзюдо (жамоавий беллашувлар), эркин кураш (Ихтиёр Наврўзов (-66 кг), Умиджон Исманов (-84 кг)) ҳамда енгил атлетика (Юлия Тарасова) бўйича ўтказиладиган мусобақаларда Ватанимиз шарафини ҳимоя қиладилар.  

Қуйида XXVII Бутунжаҳон Универсиада ўйинларида совриндор бўлган юртимиз спортчилари берилган:

Олтин – Ҳасанбой Дўстматов (-49 кг, бокс)  

Кумуш – Яҳё Имомов (-81 кг, дзюдо)
Кумуш – Зайлобиддин Ортиқов (-80 кг, белбоғли кураш, классик усул)
Кумуш – Фазлиддин Ғоипназаров (-60 кг, бокс)
Кумуш – Хуршидбек Норматов (-69 кг, бокс)
Кумуш – Азизбек Абдуғофуров (-75 кг, бокс)
Кумуш – Рустам Тўлаганов (-91 кг, бокс)
Кумуш – Улуғбек Алимов (-77 кг, оғир атлетика)  

Бронза – Зайлобиддин Ортиқов (-75 кг, белбоғли кураш, эркин усул)
Бронза – Нозимжон Иброҳимжонов (-90 кг, белбоғли кураш, эркин усул)
Бронза – Замира Аҳмедова (-52 кг, белбоғли кураш, эркин усул)
Бронза – Сойиб Қурбонов (-100 кг, дзюдо)
Бронза – Жасурбек Латипов (-52 кг, бокс)
Бронза – Элшод Расулов (-81 кг, бокс)
Бронза – Мирзоҳиджон Абдуллаев (+91 кг, бокс)
Бронза – Манзурахон Мамасолиева (-69 кг, оғир атлетика)