Улуғбек Бақоев: "Бухоро"да молиявий инқироз кузатилмоқда"
08 июл 2018 22:35
Новости

Улуғбек Бақоев: "Бухоро"да молиявий инқироз кузатилмоқда"

Суперлиганинг 16-тур доирасидаги "Пахтакор" - "Бухоро" (2:0) учрашувидан кейинги матбуот анжуманида бухороликлар бош мураббийи Улуғбек Бақоев клубдаги молиявий инқироз бўлаётганини таъкидлади.

- Жуда иссиқ бўлгани туфайли ўйин қийин ўтди. Футболда ким гол урса ўша жамоа ютади. "Пахтакор"ни ғалаба билан табриклайман. Биз эса келгуси учрашувга тайёргарлик кўрамиз.

Саламат Қутибаев ва Санъат Шиховда жароҳат борлиги сабабли уларнинг имкониятларидан фойдалана олмадик. "Бунёдкор" билан ўйинда олган жароҳатидан сўнг Қутибаев яқинда жарроҳлик столига ётқизилди. Футболчи ҳали тўлиқ тикланиб ургургани йўқ. Санъат Шихов эса тиззасидан жароҳат олган.

Баҳодир Насимовни хорижга, аниқроғи Озарбойжон клубига қўйвордик. Чунки шартномада Насимовга хориждан таклиф тушса қўйиб юбориш банди киритилганди. Шу боисдан ҳам уни текинга Озарбойжон клубига қўйвордик.

Очиғини айтадиган бўлсам, "Бухоро"да молиявий инқироз кузатилмоқда. Жамоа ва клуб аъзолари маош олишмаяпти. Бу нима билан боғлиқ эканлигини билмайман. Бу саволга клуб президенти, раҳбарият жавоб бергани маъқул. Бу мени ваколатимдаги масала эмас.

Ссылка :

Источник : championat.asia

Получайте новости прямо в Telegram!

Рейтинг: -36