"Турон" ва "Насаф" умуман пенальти тепмаган, "Пахтакор" дарвозасига ҳали жарима белгиланмади (тўлиқ статистика)
15 июн 2021 15:51
Новости
"Турон" ва "Насаф" умуман пенальти тепмаган, "Пахтакор" дарвозасига ҳали жарима белгиланмади (тўлиқ статистика)
Энг кўп ғалаба ва мағлубият
Мавсумдаги ғалабалар сони бўйича Тошкентнинг "Пахтакор" клуби етакчи бўлиб турибди — 7 та. "Сурхон", "Турон" ва "Андижон" жамоалари эса мағлубиятлар сони бўйича пешқадамлик қилишмоқда — 6 тадан. 9-турдан кейин бирор марта ғалаба қозонмаган ягона жамоа Яйпаннинг "Турон" клуби ҳисобланади. Ҳанузгача мағлубиятга учрамаган 2 клуб бор: Питер Хюистра бошчилигидаги "Пахтакор" ва Улуғбек Бақоевнинг "Сўғдиёна"си.
Энг кўп ва кам гол урган жамоалар
Рақиблари дарвозасига тўп киритиш бўйича ҳам "Пахтакор" ва "Сўғдиёна" етакчи — 22 тадан. Бу борадаги энг ёмон натижа "Турон" ҳамда "Сурхон" жамоаларига тегишли — 6 (Яйпан клуби ҳали сафарда бирорта гол ургани йўқ).
Пенальтидан энг кўп фойда кўрган жамоалар
Мавсумнинг ушбу қисмига қадар ўтказилган баҳсларда ҳакамлар 28 бор 11 метрлик нуқтага ишора қилишган. Пенальти тепган жамоалар орасида "Пахтакор" ва "Локомотив" етакчи бўлиб турибди. Тўлиқ статистика билан танишинг:
| клуб | пенальти |
|---|---|
| "Локомотив" | 4 |
| "Пахтакор" | 4 |
| "Навбаҳор" | 3 |
| "Сўғдиёна" | 3 |
| "Бунёдкор" | 3 |
| "Сурхон" | 2 |
| "Андижон" | 2 |
| АГМК | 2 |
| "Қизилқум" | 2 |
| "Металлург" | 1 |
| "Қўқон-1912" | 1 |
| "Машъал" | 1 |
Маълумот учун, "Турон" ва "Насаф" футболчилари ҳали бирор марта пенальти ишлаб олишмаган.
Энг кўп пенальти тепилган ўйин
Наманганнинг "Навбаҳор" клуби Суперлиганинг иккинчи турида "Локо" майдонига сафар қилган. Ўшанда учрашувни бошқарган Зокир Қодиров 3 марта 11 метрлик нуқтага ишора қилган.
Пенальтидан энг кўп азият чеккан жамоалар
Бу борада Муборакнинг "Машъал" клуби етакчи бўлиб турибди. Тўлиқ статистика:
| клуб | пенальти |
|---|---|
| "Машъал" | 5 |
| "Локомотив" | 3 |
| "Сўғдиёна" | 3 |
| "Навбаҳор" | 3 |
| "Турон" | 3 |
| "Қўқон-1912" | 2 |
| "Бунёдкор" | 2 |
| "Андижон" | 2 |
| АГМК | 2 |
| "Насаф" | 2 |
| "Сурхон" | 1 |
Маълумот учун, "Пахтакор", "Металлург" ва "Қизилқум" дарвозасига ҳали бирор марта пенальти белгиланмаган.
Амалга оширилмаган пенальти(лар)
Жорий мавсумда белгиланган 28 пенальтидан 6 таси голга айланмаган. Қулай имкониятдан фойдаланолмаган футболчилар қуйидагилар: Станислав Андреев ("Бунёдкор" дарвозасига), Азимжон Аҳмедов ("Локомотив" дарвозасига), Ислом Тошпўлатов ("Сўғдиёна" дарвозасига), Жасур Ҳасанов ("Машъал" дарвозасига), Жавоҳир Сидиқов ("Машъал" дарвозасига), Жасурбек Жалолиддинов ("Қўқон-1912" дарвозасига).
Умумий
Мавсумнинг ортда қолган қисмида 59 та ўйин ўтказилди. Ушбу учрашувларда жами 140 та гол урилган. Бу ҳар ўйинга ўртача 2,5 тадан тўғри келади.
59 ўйинда жами 273 та сариқ карточка кўрсатилган. Бу ҳар ўйинга ўртача 4,6 тадан тўғри келади. Бундан ташқари, реферилар 2 бор 2-сариқ карточкадан кейин қизилига мурожаат қилишган бўлса, 5 марта футболчилар тўғридан тўғри майдондан четлатилган.
Похожие новости
championat.asia
Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди
Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади
Амалдаги чемпион ва кубок соҳиби Ўзбекистон кубоги гуруҳ босқичида қолиб кетди
“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар
Комментарии