Суперлиганинг 30-турида ҳакамлик таҳлили. Хатолар жуда кўп!

❌ "Насаф" - "Динамо"

"Динамо" ўйинчиси жарима майдонидан ташқарида тўпни дарвозабондан четлатиб ўтказмоқда. Дарвозабон, аниқ тўпга етиб бора олмаслигини тушуниб, қасддан рақибни чалишга уринди, аммо ҳужумчи йиқилмади. Шу сабабли ҳимоячи яккама-якка курашга киришиб, рақибни тўхтатишга улгурди. Ҳакам жарима зарбаси белгилаб, рақибни аниқ гол уриш имкониятидан маҳрум қилгани учун дарвозабонни майдондан четлатиши керак эди.

ВИДЕОЛАВҲАНИ ТОМОША ҚИЛИШ

❌ "Навбаҳор" - "Пахтакор"

"Пахтакор" ўйинчиси ҳакамлар қарорига норозилик билдирди ва бунинг учун ўринли огоҳлантириш олди. Кейинги воқеаларни бу такрордан аниқлай олмаймиз, футболчи иккинчи сариқ карточкани нима учун олганини билмаймиз. Эҳтимол, у сўз орқали норозилигини билдиришда давом этгандир. Ушбу вазиятда ҳакам хатога йўл қўйган деб аниқ айта олмаймиз. Бироқ кўплаб мамлакатлар ҳакамлик департаментларининг тавсиясига кўра, иккинчи сариқ карточка одатда очиқ-ойдин норозлик учун кўрсатилиши керак. Бу ерда эса вазият ўта баҳсли. Бир дақиқа ичида эътироз учун иккита сариқ карточка бериш – ҳаддан ташқари қаттиқ жазо.

ВИДЕОЛАВҲАНИ ТОМОША ҚИЛИШ

❌ ОКМК – "Машъал"

Бизнингча, ҳакам ёрдамчиси яққол хатога йўл қўйди. "Машъал" ўйинчиси тўп узатилган пайтда офсайдда эмасди. Шу билан бирга, ВАР тизими қўлланиладиган бундай ҳолатларда ёрдамчи ҳакам ўйинни тўхтатмаслиги, гол киритилгандан кейингина офсайдни қайд этиши керак. Аммо ёрдамчи ҳакам байроқчани кўтариб, "Машъал"ни ҳақли голдан маҳрум қилди.

ВИДЕОЛАВҲАНИ ТОМОША ҚИЛИШ

❌✅ "Бунёдкор" - "Андижон"

Бош ҳакам аввалига “Бунёдкор” ўйинчисини эҳтиётсиз ҳаракатлари учун жазоламасдан хатога йўл қўйди. Ҳаракатда сакраш ҳолати мавжуд – фақат зарба йўналтирилган нуқта қизил карточкадан сақлаб қолди. Ҳакам вазиятга жуда яқин тургани эса саволларни янада кўпайтирди. Шундан кейин ВАР ноўрин равишда аралашди ва ҳакамни эпизодни қизил карточкага қайта кўриб чиқишга чақирди. Видеотакрордан сўнг бош ҳакам тўғри қарор қабул қилди ва қоидабузарга сариқ карточка кўрсатди.

ВИДЕОЛАВҲАНИ ТОМОША ҚИЛИШ

✅ "Бунёдкор" - "Андижон"

“Бунёдкор” ҳимоячиси ўз жойида туриб,  жарима майдонида қўл билан очиқ-ойдин ўйнамоқда. Қўл танадан четга чиққан ва тана ҳажмини табиий бўлмаган даражада катталаштирган. Ҳозирги қоидалар талқинига кўра, тўп дарвоза томон учиб бораётган бўлса ҳам, ушбу вазиятда сариқ карточка талаб этилмайди, чунки футболчи қўл билан қасддан ўйнамаган. Тўғри қарор – карточкасиз пенальти.

ВИДЕОЛАВҲАНИ ТОМОША ҚИЛИШ

✅ "Бухоро" - "Сурхон"

“Сурхон” футболчиси очиқ-ойдин тарзда рақибни провокация қилади ва тўп учун курашмасдан, “Бухоро” ўйинчисини туртди. Рақиб эса жавобан яна кучлироқ туртди, аммо бизнинг фикримизча, бу ҳаракат ортиқча куч ишлатиш даражасига етмаган. Шундан сўнг ҳар икки футболчи спортга хос бўлмаган тарзда ўзини тутишда давом этди ва қоидаларга кўра, уларнинг ҳар бири иккитадан сариқ карточка олиб, майдондан четлатилиши керак эди.

Биз бу ҳолатда ҳакам қийин, аммо ўйин руҳига мос тўғри қарор қабул қилган, деб ҳисоблаймиз – у бутун эпизодни инобатга олган ҳолда ҳар икки ўйинчига фақат биттадан сариқ карточка кўрсатди. Қолган қатнашчиларга келсак, видеотакрорга кўра, улар фақат можарони тўхтатишга, томонларни ажратишга уринган.

ВИДЕОЛАВҲАНИ ТОМОША ҚИЛИШ

✅ "Бухоро" - "Сурхон"

"Бухоро" футболчиси рақибни ён томондан кўрди, аммо шунга қарамай, ҳаддан ташқари куч билан бошга зарба берди. Ҳа, у бутса тишлари билан эмас, лекин етарлича кучли зарба берди. Фикримизча, ҳакам тўғри қарор қабул қилди ва "Бухоро" футболчисини жиддий қоидабузарлик учун майдондан четлатди.

ВИДЕОЛАВҲАНИ ТОМОША ҚИЛИШ

✅ "Қўқон-1912" - "Сўғдиёна"

“Сўғдиёна” футболчиси рақибнинг тўпиғидан юқори қисмини бутса тишлари билан босди, тана оғирлигини ўнг оёғига ўтказди ва "босиб ўтиш"ни амалга оширади, бунда тўқнашувдан қочишга ёки ҳеч бўлмаганда уни юмшатишга ҳаракат қилмади. Тўғри қарор – ўйин қоидасини жиддий бузганлик учун қизил карточка.

ВИДЕОЛАВҲАНИ ТОМОША ҚИЛИШ

❌ "Хоразм" - "Нефтчи"

"Хоразм" жамоаси ўйинчиси, бизнинг фикримизча, тўпга ўйнамай, рақибининг оёғига зарба бериб, қоидани бузмоқда ва бу "Нефтчи" ўйинчисининг йиқилишига сабаб бўлди. Айнан шу ҳужум босқичида "Хоразм" гол урди. Тўғри қарор – голни бекор қилиш ва ҳимояланаётган жамоа фойдасига жарима зарбаси тайинлаш.

ВИДЕОЛАВҲАНИ ТОМОША ҚИЛИШ

Шу тариқа, Суперлиганинг 30-тур ўйинларида ҳакамлар бешта хатога йўл қўйди.