Триппьер трансфери ҳақидаги маълумотни муддатидан олдин тарқатгани учун 10 ҳафта дисквалификация қилинди

Гап шундаки, англиялик “Тоттенхем”дан “Атлетико”га ўтишидан олдин, трансферининг аниқ суммаси (21,7 млн евро) ҳақидаги маълумотни муддатидан олдин тарқатиб юборган ва пул тикиш билан боғлиқ қоидаларни бузган. Бундан эса унинг дўсти фойдаланиб, букмекер контораларидан даромад кўрган.

Шу туфайли, футболчи 10 ҳафтага дисквалификация қилинди ва 70 минг фунт жаримага тортилди.

У “Атлетико”га бўлажак 12 ўйинда ёрдам беролмайди. Шу билан бирга Чемпионлар Лигаси 1/8 финали доирасида 23 февраль куни Мадридда ўтадиган “Челси”га қарши баҳсни ўтказиб юборади. Триппьер 7 март куни “Мадрид дербиси”га қайтиши кутилмоқда.

Аввалроқ, шу каби ҳолат Дэниэл Старриж билан содир бўлган. Дэниэл 2018 йил январида "Севилья"га ўтишидан хабар топган акаси тотализаторга пул қўйиб, яхшигина сумма ишлаб олган. Бироқ, кейинчалик бу аниқланиб, Старриж 4 ойга футболдан четлатилган ва 150 минг фунт жаримага тортилганди.