Тожикистон Таиланддаги турнир ярим финалида Тринидад ва Табагони мағлуб этиб финалга йўлланма олди
22 сен 2022 20:15
Новости

Тожикистон Таиланддаги турнир ярим финалида Тринидад ва Табагони мағлуб этиб финалга йўлланма олди

Петар Сегрт бошчилигидаги Тожикистон терма жамоаси Таиландда ташкил этилган 48 - "Қирол кубоги" турнирида қатнашмоқда.

Қўшниларимиз бугун мусобақанинг ярим финалида Тринидад ва Тобагони мағлуб этишди ва финалга йўлланма олишди. Эътиборли томони, ўйиндаги ғалаба келтирган голга "Навбаҳор" собиқ футболчиси Эҳсони Паншанбе муаллифлик қилди. Учрашувда "Локомотив" футболчиси Манучехр Сафаров, "Сурхон" ҳимоячиси Зоир Жўрабоев тўлиқ ҳаракат қилди. Тожикистонликларнинг Таиланд "Қироли Кубоги"даги финалдаги рақиби Таиланд — Малайзия учрашуви ғолиби бўлади. Мусобақа финали 25 сентябрь куни бўлиб ўтади.

Таиланд "Қироли кубоги". Ярим финал.

ТРИНИДАД ВА ТАБАГО - ТОЖИКИСТОН 1:2

Голлар: Жуда Гарсия, 27 (1:0). Мухаммаджон Раҳимов, 47 (1:1). Эхсони Паншанбе, 75 (1:2).

Тожикистон: Рустам Ятимов, Вахдат Ханонов, Манучехр Сафаров, Табрез Исломов, Зоир Жўрабоев, Ахтам Назаров (Комрон Турсунов, 73), Амирбек Жўрабоев, Муҳаммаджон Раҳимов (Далер Имомназаров, 84), Шервони Мабатшоев (Сиёвуш Асроров, 90+4), Нуриддин Ҳамрокулов (Эҳсони Паншанбе, 46), Шахром Самиев (Рустам Соиров, 73).