Текин автобуслар мухлисларни Тожикистон - Ўзбекистон ўйинига элтиб қўяди
07 ноя 2017 18:12
Новости

Текин автобуслар мухлисларни Тожикистон - Ўзбекистон ўйинига элтиб қўяди

Эртага Ўзбекистон ёшлар терма жамоаси Тожикистоннинг Ҳисор шаҳридаги Марказий стадионда тожикистонлик тенгқурларига қарши майдонга тушади.

2018 йилда бўладиган Осиё Кубогида иштирок этиш учун кураш олиб бораётган тожикистонликлар маҳаллий мухлислар учун қулайлик яратди. Тожикистон футбол федерацияси расмий сайтининг маълум қилишича, ташкилот ушбу учрашувни стадиондан кўрмоқчи бўлган мухлисларни Душанбедан аренагача ва ўйиндан сўнг Душанбегача текинга элтиб қўяди. Стадионга кириш бепул.

Эслатиб ўтамиз, Осиё чемпионати саралаш босқичидан ўрин олган Тожикистон - Ўзбекистон учрашуви 8 ноябрь куни 17:00да бошланади. Ёшларимиз турнирнинг финал босқичида иштирок этиши учун дуранг ҳам етарли бўлади.

Ссылка :

Источник : championat.asia

Получайте новости прямо в Telegram!

Рейтинг: +26