"Сурхон" иккинчи давра баҳсларига тайёргарликни бошлади

Жамоамиз аъзолари кеча клуб қароргоҳида йиғилди ва "Алпомиш" стадионида тикланиш машғулотларини олиб борди.

Кечаги машғулотларда Илҳом Комилов, Миржалол Қурбонов, Акмал Абдурахмонов, Жонибек Кўчимов, Дилявер Абибуллаевлар иштирок этмадилар. Ушбу футболчилар эртадан машғулотларга келиб қўшилиши кутилмоқда. Нуриддин Ҳасанов Наманганнинг “Навбаҳор” жамоаси билан шартнома тузишга яқин турибди. Жамоага Саидбек Хайитов Навоийнинг “Қизилқум” жамоасидан келиб қўшилди. Режага кўра, дастлабки босқич ўқув-йиғин машғулотлари Термизда ўтади. Маълум муддатдан сўнг жамоа тоғли ҳудудда тайёргарликни давом эттиради.

Ушбу машғулотларда маҳаллий футболчиларни ҳам синовдан ўтказиш режалаштирилган.

«Сурхон» матбуот хизмати.