Суперлигадан 12та, Про лигадан 1та. Бу йил кимлар хорижда йиғин ўтказади?
09 янв 2023 17:12
Новости

Суперлигадан 12та, Про лигадан 1та. Бу йил кимлар хорижда йиғин ўтказади?

Суперлига жамоалари янги мавсумга тайёргарликнинг навбатдаги босқичига киришишган.

Айни пайтда Тошкентда бир нечта жамоалар ўқув-машғулот йиғинларини олиб бормоқда. Ўртоқлик учрашувлари орқали ўйинни шакллантириш жараёни бошланган. Клуб раҳбарлари эса футболчилар билан музокараларга киришишган. Жамоалар Тошкент билан чекланиб қолмоқчи эмас, қуйидаги жадвалга қарайдиган бўлсак, Суперлиганинг 12та, Про лиганинг 1та жамоаси бу йил хорижда йиғин олиб боради. Асосий манзил одатдагидек Туркия бўлади. Бу борада дастлабки юришни "Нефтчи" ва "Навбаҳор" бошлаб берди. Улар 6 январь куни Анталияга йўл олишди.

Маълумот учун, "Локомотив" ўтган йили мавсумга Тошкентда тайёргарлик кўрганди. "Темирйўлчилар" Про лигадан ягона вакил бўлмоқда. "Андижон" кетма-кет иккинчи йил, "Бухоро" эса биринчи маротаба Анталияда йиғин ўтказади.

Жамоа номи	Хориж йиғини санаси ва манзили
Пахтакор	13-27 январь, 31 январь - 14 февраль. Туркия. Анталия
Навбаҳор	6 январь - 17 февраль. Туркия. Анталия
Насаф	27 январь - 17 февраль. Туркия. Анталия
АГМК	15 - 29 январь. БАА. Дубай. 3-17 февраль. Туркия. Анталия
Қизилқум	3-17 февраль. Туркия. Анталия.
Сўғдиёна	27 январь - 10 февраль. Туркия. Анталия.
Олимпик	27 январь - 15 февраль. Туркия. Анталия.
Нефтчи	6 январь - 20 январь. Туркия. Анталия.
Бунёдкор	14-25 январь. БАА. Абу-Даби.
Металлург	Хориж йиғини бўлмайди
Сурхон	Номаълум
Локомотив (Про лига)	20 январь - 10 февраль. Туркия. Анталия.
Андижон	27 январь - 17 февраль. Туркия. Анталия.
Турон	27 январь - 10 февраль. Туркия. Анталия.
Бухоро	20 январь - 10 февраль. Туркия. Анталия