Суперлига. Тўхтасинов ва "Бунёдкор"га аталган тур ёхуд 23-тур лауреатлари

Championat.asia тур баҳслари асосида тур лауреатларини аниқлади.

"Бунёдкор" клуби бу тур лигада қолиш учун курашаётган "Турон"га қарши ўйнади ва 3:1 ҳисобида ғалабага эришди. Тўғри "Турон" мусобақа жадвалида сўнгги ўринда бормоқда, лекин шу куни Шквирин шогирдлари ютқазмаслик учун борларини беришди ва сўнгги дақиқагача ўйнашди. Айнан сўнгги дақиқаларда мезбонлар иккита гол уриб ғалаба қозонишди. Шу боис Шуҳрат Мақсудов championat.asia сайти талқинига кўра 23-турнинг энг яхши мураббийи деб топилди.

"Сурхон" бу тур Термизда "Қизилқум"ни қабул қилди ва 1:0 ҳисобида ғалаба қозонди. Термиз клуби дарвозабони шу куни бир қатор сейвлар билан жамоаси жонига оро кирди. Шу боис Championat.asia сайти талқинига кўра, 23-турнинг энг яхши дарвозабони Рустам Нартаджиев бўлди.

Бу турда "Бунёдкор" вакили Нурилло Тўхтасинов "Турон" билан баҳсда ажойиб гол урди ва тур голи муаллифига айланди. 

"Бунёдкор" ярим ҳимоячиси Нурилло Тўхтасинов "Турон" билан баҳсда фаол ўйнади ва гол урди ҳамда шеригига голли пас берди. Шу тариқа, Нурилло Тўхтасинов championat.asia талқинига кўра 23-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига