Суперлига. Нима учун "Нефтчи" - "Навбаҳор" аҳамиятсиз ўйин?

Мазкур баҳс дерби мақомида бўлади. "Нефтчи" мавсумдаги ўзининг биринчи ғалабасини нишонлашга уринади. "Навбаҳор" эса ўтган турдаги ғалабадан кейин яхши кайфиятда Фарғонага боради.

Бироқ бу ўйин иккинчи босқич нуқтаи назаридан ҳеч қандай аҳамиятга эга бўлмайди. Яъни бу ўйинда ғолиб бўлган жамоа 3 очко олади, лекин бу очколар иккинчи босқичда 0га айланади. Сабаби "Навбаҳор" кучли олтиликка кириши, "Нефтчи" эса пастдаги олтиликда қолиши аниқ бўлиб улгурган.

Худди шу ҳолат 21-турдан ўрин олган "Локомотив" - "Нефтчи" ва 22-турдаги "Бунёдкор" - "Сўғдиёна" учрашувларга ҳам таалуқли. Яъни бу жуфтликлардаги жамоалар иккинчи босқичда бошқа-бошқа олтликларда бўлишади

Қуйида Суперлиганинг биринчи босқичидан ўрин олган сўнгги 3та тур жуфтликларини келтирамиз.

20-тур
1 август, чоршанба
АГМК — “Қизилқум”
“Сўғдиёна” — “Насаф”
“Пахтакор” — “Локомотив”

2 август, пайшанба
“Бунёдкор” — “Қўқон-1912”
“Бухоро” — “Металлург”
“Нефтчи” — “Навбаҳор”
 
21-тур
12—13 август, якшанба-душанба
“Навбаҳор” — “Бухоро”
“Локомотив” — “Нефтчи”
“Сўғдиёна” — АГМК
“Насаф” — “Бунёдкор”
“Металлург” — “Қизилқум”
“Қўқон-1912” — “Пахтакор”
 
22-тур
18—19 август, шанба-якшанба
“Бухоро” — “Локомотив”
“Нефтчи” — “Қўқон-1912”
“Пахтакор” — “Насаф
“Қизилқум” — “Навбаҳор”
АГМК — “Металлург”
“Бунёдкор” — “Сўғдиёна”
 
Диққат. Суперлиганинг 21 ҳамда 22-тур беллашувларининг аниқ санаси кейинроқ маълум қилинади.