Суперлига футболчилари ЕЧЛ финалчиларини тахмин қилди

Яшил майдон қироллари бўлмиш футболчиларнинг фикрлари доимо мухлислар учун қизиқиш уйғотади. Айниқса, Европанинг энг нуфузли турнирлардан бири – Чемпионлар лигаси финалига қайси жамоалар етиб бориши борасидаги тахминлар барчанинг диққат марказида бўлади. Ўзбекистон Суперлигасида тўп тепаётган футбол юлдузлари ҳам бу жараёндан четда қолишмади. Улар ўз тажрибалари, жамоаларнинг ҳозирги спорт формаси ва ўйин услубларига таянган ҳолда Чемпионлар лигасининг ҳал қилувчи баҳсида майдонга тушиши мумкин бўлган эҳтимолий жамоалар ҳақида ўз фикрларини билдиришди. Қуйида уларнинг қизиқарли ва баъзан кутилмаган тахминлари билан танишишингиз мумкин.

Темурхўжа Абдухолиқов:

- Менимча, ҳамма кутган жамоалардан бири финалга чиқа олмайди. Балки "Интер"ни финалда кўрармиз.

Асадбек Раҳимжонов:

- Менимча, "Интер" ва ПСЖ финалга йўл олади.

Алишер Салимов:

- "Барселона" ва ПСЖ финалда ўйнашини хоҳлайман, сабаби икки кучли мураббийнинг тўқнашувини кўриш қизиқроқ.

Аслиддин Тоштемиров:

- "Барселона" ва ПСЖ финалда тўқнаш келади, деб ўйлайман. Сабаби, иккаласи принципал рақиб ҳисобланади. Қолаверса, улар ажойиб ўйин намойиш этишмоқда. 

Андро Гиоргадзе:

- Ўйлашимча, ПСЖ ва "Интер" финалга йўл олади.

Йосип Томашевич:

- "Барселона" ва ПСЖ финалга йўл олса керак.

Оқил Абдубарноев тайёрлади.