Суарес "Атлетико"да йилига 9 миллион евро маош олади
21 сен 2020 21:10
Новости

Суарес "Атлетико"да йилига 9 миллион евро маош олади

Теги : "Барселона"Луис Суарес "Атлетико Мадрид"

"Барселона" ҳужумчиси Луис Суарес "Атлетико"га ўтишига оз қолди.

Марcа хабарига кўра, уругвайлик Мадрид клуби билан 2 йиллик шартнома тузишга ва йилига 9 миллион евро маош олишга келишиб олган.

Журналист Фабрицио Романонинг айтишича, келишувнинг сўнгги тафсилотлари яқин бир неча соат ичида келишиб олинади. Суарес аллақачон "Атлетико" бош мураббийи Диего Симеоне билан суҳбатлашган.

Олдинроқ "Барcелона" 33 ёшли форвард билан шартномани бекор қилиш тўғрисида келишиб олгани ҳақида хабар берилган эди. Каталонияликлар уругвайлик футболчини бепул қўйиб юборишади ва у ўз навбатида, шартнома бўйича сўнгги йил давомида унга тўланадиган маошдан қисман воз кечади.

Футболчи "Барса"да 2014 йилдан бери ўйнаб келмоқда. У Каталония жамоаси сафида барча турнирларда 283 учрашув ўтказган ва 198 та гол урган.

Суарес "Барселона" билан тўрт марта чемпионат ва Испания кубогини ютган, 2015 йилда эса ҳал қилувчи голни уриб, жамоа Чемпионлар Лигасида ғолиб чиқишига ўз ҳиссасини қўшган.

Ссылка :

Источник : Marca

Получайте новости прямо в Telegram!

Рейтинг: +12