“Сўғдиёна” ни сентябрь ойида қандай баҳслар кутмоқда?

Жамоа  16 ва 17 турларда ўз майдонимизда “Бунёдкор” ва “Локомотив” ни қабул қилган бўлса,сафарда “Олмалиқ”қа қарши баҳс бўлиб ўтди. Олий лиганинг 19-турида бўлиб ўтиши лозим бўлган “Сўғдиёна”-“Насаф” учрашуви миллий терма жамоа ўйинлари сабабли номаълум муддатга қолдирилгани ҳақида хабар берган эдик.

Жамоа сентябрь ойида илк баҳсни сафарда “Обод”га қарши ўтказади. Ўйин 7 сентябрь (пайшанба) куни Тошкентда ўтказилади. Олий лиганинг 21-турида жамоа ўз майдонида Навоийнинг “Қизилқум” клубини қабул қилади.Баҳс 16 сентябрь (шанба) куни бўлиб ўтади. Ушбу баҳсдан сўнг жамоа Фарғона водийсига сафар қилади ва 22 сентябрь (жума) куни “Нефтчи”га қарши майдонга тушади. “Сўғдиёна” стадионида бўлиб ўтадиган яна бир баҳс “Динамо” га қарши бўлиб ўтади. Жамоа ўз майдонида самарқандликларни 30 сентябрь (шанба) куни қабул қилади.Шунингдек, ёшлар лигаси баҳслари  асосий таркиб ўйинларидан бир кун олдин бўлиб ўтади.

“Сўғдиёна” матбуот хизмати