“Сўғдиёна” футболчилари тиббий кўрикдан ўтишди
05 янв 2019 16:48
Новости

“Сўғдиёна” футболчилари тиббий кўрикдан ўтишди

Янги мавсумга тайёргарликни бошлаган "Сўғдиёна" бугун 5 январь куни Ўзбекистон Миллий Олимпия Қўмитаси қошидаги тиббиёт марказида шифокорлар кўригидан ўтишди.

Футболчилар эртага ўз қароргоҳларига қайтишади ва янги мавсумга тайёргарликни бошлайдилар. Айни пайтда ўтган мавсумни ижара асосида "Сўғдиёна"да ўтказган "Бунёдкор" футболчилари Сардор Азимов, Шохруз Норхонов, Нурилло Тўхтасинов "Бунёдкор" сафига қайтган.

“Сўғдиёна” 12 январга қадар ўз майдонларида машғулотларни давом эттиришади. Шундан сўнг йиғин Тошкентда давом эттирилади ва бир қатор ўртоқлик учрашувларини ўтказиш режалаштирилган.

Спарринг рақиблар ва машғулотларда иштирок этадиган футболчилар ҳақида эса кейинроқ батафсил маълумот бериб борилади.