"Сирдарё ФА" бош мураббийи: "Асосий урғуни ёш футболчиларга қаратганмиз"
12 апр 21:50
Новости

"Сирдарё ФА" бош мураббийи: "Асосий урғуни ёш футболчиларга қаратганмиз"

Теги : Сирдарё ФА Металлург Баҳодир Ҳакимқулов

Ўзбекистон кубогининг 1-туридан ўрин олган "Металлург" - "Сирдарё ФА" (5:0) учрашувидан сўнг меҳмонлар бош мураббийи Баҳодир Ҳакимқулов матбуот анжуманида иштирок этди.

Ўйин ҳақида

- Бугун таркибимизда 18-19 ёшли футболчилар ҳаракат қилишди. Суперлига жамоаси билан учрашув биз учун катта тажриба бўлди. Навбатда "Нефтчи"га қарши ўйнаймиз. Бу ўйин ҳам биз учун, ёш футболчилар учун тажриба мактаби бўлишини кутаяпмиз. Ўйиндан-ўйинга кучайиб борамиз. 18-19 ёшли футболчилардан иборат жамоани Биринчи лигага қўйдик. Мақсадимиз ёш футболчиларни муносиб тарбиялаб, Суперлига клубларига трансфер қилиш.

- Кучли рақибга қарши жамоани қандай руҳлантирдингиз?

- Биз ўйиндан олдин йигитларга бу каби имконият доим ҳам бўлмаслиги ҳақида айтиб ўтдик. Йигитлар ўзлари ҳам тушуниб туришганди. 18-19 ёшда бирданига Суперлига клубига қарши ўйин ўтказдик.

- Аббосбек Махситалиев нега майдонга туширилмади?

- Ёш футболчиларга майдонда ўзларини йўқотиб қўймасликлари учун 3-4 та тажрибали футболчиларни ҳам жалб этганмиз. Бугунги ўйин ёш йигитлар учун ўзларини кўрсатишлари учун яхши имконият эди. Биз асосий урғуни ёшларга қаратганмиз.

Ссылка :

Источник : championat.asia

Получайте новости прямо в Telegram!

Рейтинг: