Ҳаким Фузайлов: "Янги жамоада дастлабки ўйинлар сиз истагандек ўтмайди"
22 мая 22:25
Новости

Ҳаким Фузайлов: "Янги жамоада дастлабки ўйинлар сиз истагандек ўтмайди"

Про-лиганинг 9-туридан ўрин олган "Шўртан" - "Хоразм" (1:0) учрашувидан сўнг меҳмонлар бош мураббийи Ҳаким Фузайлов матбуот анжуманида иштирок этди.

Ўйин ҳақида

- Рақиб жамоани ғалаба билан табриклайман. "Хоразм" билан иккинчи ўйинимни ўтказмоқдаман. Шу ўйиндан мен ва жамоа ўртасидаги танишув жараёни якунига етиши керак. Хатоларимиз бор, хатто кўп ҳам. Футболчиларни кўриб, кузатиб имкониятларини чамалаб бораяпмиз. Барибир янги жамоада дастлабки ўйинлар сиз истагандек даражада ўтмайди.

- Клуб раҳбарияти Хаким Фузайлов олдига қандай вазифа қўйди?

- Ҳозирги мақсадимиз биринчи давра давомида аниқ таркибни шакллантириш. Олдинда қатор ўйинлар бор, биз ҳаракатда ва ишлашда давом этамиз. Мавсум якунида "Хоразм" ўз мавқеига муносиб ўринда бўлиши керак.

- Сиз учун чиройли ўйин муҳимми ёки натижами?

- Чиройли ўйин албатта керак. Чунки футбол томоша қилган мухлис бу спорт турининг жозибасидан завқланиши керак. Бироқ, муҳим жиҳат ҳам бор, мураббий учун жавоб берадиган жиҳат бу - натижа. Биз айтиб ўтганимдек, "Хоразм"ни муносиб ўринда бўлиши учун ҳаракат қиламиз.

Ссылка :

Источник : championat.asia

Получайте новости прямо в Telegram!

Рейтинг: +2