Швейцария клубининг ярим ҳимоячиси 50 йилга дисквалификация қилинди

Четлатиш 2064 йил 5 июнда якунига етади.

Швейцария чемпионатининг "Португал" ва "Ворб" ўртасидаги навбатдаги тур учрашуви ўтмоқда. "Португал" ярим ҳимоячиси ўйинни захира ўриндиғид бошлайди. Баҳс тугаганлиги ҳақида хуштак чалинади ва мезбонлар 0:1 ҳисобида мағлубиятга учрайди. Ўша пайтда барчанинг диққат марказида захирадан ўйинга қўшилган Феррейра бўлади. У яқин масофадан бор кучи билан ҳакамнинг юзига тўп билан зарба беради. Шок ҳолатига тушган рефери футболчига қизил карточка кўрсатади ва ўзи кийиниш хонасига йўл олади. Бу билан чекланмаган Феррейра ҳакамга етиб олиб, уни сўкишни бошлайди ва реферининг устидан идишдаги сувни қуйиб юборади. Агар унинг жамоадошлари футболчини ушлаб қолмаганида бунданда ёмонроқ ҳолат бўлиши мумкин эди.

Нега айнан 50 йил? Умуман олганда Швейцария футбол федерацияси Феррейрани бир умрга четлатишмоқчи эди. Аммо жазо муаддатини аниқлаб берувчи дастурга кўра, дисквалификация муаддати аниқланди. 2064 йил.