Шуҳрат Раҳмонқулов: “Қуръа биз учун омадлироқ келди. Лекин ҳар бир ўйин қийин ўтиши аниқ”
13 апр 2016 14:21
Новости
![](https://championat.asia/upload/storage/204617_original.jpg)
![](/upload/storage/204617_220.jpg)
Шуҳрат Раҳмонқулов: “Қуръа биз учун омадлироқ келди. Лекин ҳар бир ўйин қийин ўтиши аниқ”
Ўзбекистон миллий терма жамоаси “А” гуруҳидан ўрин олиб, ЖЧга чиқиш йўлида Эрон, Жанубий Корея, Қатар, Хитой ҳамда Сурия терма жамоалари билан баҳс олиб боради. Ушбу қуръа тўғрисида кўпчилик ўз фикрларини билдириб ўтмоқда. Биз ҳам ўз вақтида миллий терма жамоамиз сафида харакат қилган собиқ футболчи, бугунги кунда “Пахтакор” футбол мактаби директори сифатида фаолият юритиб келаётган Шуҳрат Раҳмонқулов билан суҳбатлашиб, бу борада фикрларини билишга қизиқдик.
- Биласизми, қуръа биз учун омадлироқ келди деган бўлардим. Аммо бу билан ЖЧга чиқишимиз аниқ деб бўлмайди. Боиси ҳар бир ўйин биз учун мураккаб кечиши ҳозирдан маълум. Осиёнинг ҳар бир давлатида бугунги кунда футбол жадаллик билан ривожланиб бормоқда. Ҳар бир рақибни ҳурмат қилиш керак. Боз устига 3-босқичда кучсиз жамоанинг ўзи бўлмайди. Рақибларимизнинг барчаси жаҳон чемпионати йўлланмасини қўлга киритиш учун, жиддий курашади. Бу табиий хол.
- Ўйнаса бўладиган рақиблар. Футболда кўп нарса омадга ҳам боғлиқ. Тақвим ҳам биз учун қулай келганини айтиш лозим. Барчаси ўз қўлимизда. Йигитларга ишонаман, улар халқимиз орзиқиб кутган дамларни туҳфа эта оладилар.
- “А” гуруҳида фаворит дея Жанубий Корея билан Ўзбекистон миллий терма жамоаларини айтган бўлардим.
- Фурсат фойдаланиб Самвел Бабаян бошчилигадиг мураббийлар штабига ва бутун миллий терма жамоага номзод бўлган футболчиларга навбатдаги ҳал қилувчи босқич ўйинларида омад ва муваффақият тилаб қоламан. Насиб қилса Ўзбекистон 2018 йили Россияда бўлиб ўтадиган жаҳон чемпионати иштирокчисига айланади.
Исломбек Рустамбеков.
Похожие новости
![AMP Logo](https://championat.asia/image/logo-amp.png)
Комментарии