Шота Арвеладзе: "Ўзбекистон терма жамоасига ЖЧ саралашида супер стартни тилайман"
27 авг 2019 22:15
Новости

Шота Арвеладзе: "Ўзбекистон терма жамоасига ЖЧ саралашида супер стартни тилайман"

"Пахтакор" - "Андижон" (5:1) учрашувидан сўнг мезбонлар устози Шота Арвеладзе ўз фикрларини билдирди.

"Натижани кўрганлар осон ўйин бўлган деб ўйлаши мумкин, аммо ҳар бир ўйин оғир ўтмоқда. Иккинчи давранинг биринчи қисмини ажойиб тарзда ўтказдик. Энди кичик танаффус бўлади. Клубимизнинг деярли барча аъзоси терма жамоаларга кетишади. Ўз навбатида Ўзбекистон миллий терма жамоасига Жаҳон чемпионати саралашида супер стартни тилайман. Бу футболчиларга ҳам, терма жамоага ҳам, ўзбек халқига ҳам керак.

Иккинчи ўрин билан фарқ 15 очкога етди. Бу катта фарқ. Интрига бор. Сабаби биздан кейинги ўринларда бораётган клублар бир бирига жуда яқин жойлашган. Яна кубок ўйинлари ҳам кутиб турибди.

Бизнинг йигитлар футбол ўйнашни севишади. Шу боис ҳам уларда мотивация йўқолмайди.

Садриддин Абдуллаев ФИФА кунларидан кейин сафга қайтади. Аммо Сидиқов ва Комилов учун мавсум якунига етган. Улар кейинги мавсумга яхши тайёрланишлари лозим бўлади", - дейди Шота Арвеладзе.