Шота Арвеладзе: "Купер билан шахсан танишман"
24 июл 2018 13:35
Новости

Шота Арвеладзе: "Купер билан шахсан танишман"

"Пахтакор" бош мураббийи Шота Арвеладзе Ўзбекистон терма жамоасига келиши кутилаётган аргентиналик мутахассис Эктор Купер ҳақида илиқ фикрларни билдирди.

- Эктор Купер жуда катта тажрибага эга кучли мутахассис. Европада кўп йиллар юқори савияда ишлаган, ўз ишининг устаси. Испаниянинг "Валенсия" ва Италиянинг "Интер" каби номдор жамоаларини ҳам бошқарган. "Валенсия"ни икки бор ЕЧЛ финалига ҳам олиб чиққани ҳам кўп нарсадан далолат. Нафақат европада, балки бошқа қитъаларда ҳам муваффақиятли ишлаган. Яқиндагина Миср терма жамоасини мундиалга олиб чиққани ҳам фикримга исбот.

Мен уни Грузиядаги фаолияти орқали ҳам биламан. Жуда талабчан ва меҳнатни севадиган инсон. Купер ҳақида фақат илиқ фикрларни билдиришим мумкин.

Купер билан шахсан танишман, кўп учрашганмиз. Аммо бу таклиф бўйича мен у билан гаплашганим йўқ. Ўйлайманки, Купер ўзбек футболига кўпчилик кутаётган муваффақиятни келтиришга қодир мутахассис.

Ссылка :

Источник : championat.asia

Получайте новости прямо в Telegram!

Рейтинг: +91