"Шўртан" академияси илк қалдирғочлари мустақил ҳаётга қадам қўйишди

“Шўртан” раҳбарияти томонидан клуб академияси битирувчилари ва уларнинг ота-оналари билан бирга “Битирув кечаси” тадбири ўзгача шукуҳ ва тароват билан ўтказилди.

“Шўртан” ПФК бош менежери Ш.С.Ярулин битирувчиларга бу даргохни тарк этар экансиз, келажакда қайси соха вакили бўлишингиздан қатъий назар футбол сизнинг юрагингизда бир умирга қолади. “Шўртан” футбол клубидан Сизга бериладиган ушбу гувохнома олий ўқув даргохларда кириш учун кўмак бўлсин.

“Маррани доимо баланд олиб яшанг, эртанги кун сизники, сиздек шижоатли ёшлариники!” Битирувчиларимиз зиммасига ҳам мустақил ҳаётда ўз ўрнини топиши, клубимизни, ота-онасини, юртимиз келажаги учун ўз ҳиссангизни қўшиш каби масъулият юкланади деб таъкидлади.

“Шўртан” жамоаси бош мураббийси А.Алиқулов ва “Академия” директори А.Юмангуловлар ҳам ёш футболчиларга келажак ишларига омад тиладилар. Тадбир сўнгида битирувчиларга эсталик совғалар ва гувоҳномалар билан тақдирланди.

“Шўртан” ПФК матбуот хизмати.