"Шанхай СИПГ" бош мураббийи: "Мен Виллаш-Бошдан яхшироқ ишлашга ҳаракат қиламан"
13 дек 2017 15:53
Новости

"Шанхай СИПГ" бош мураббийи: "Мен Виллаш-Бошдан яхшироқ ишлашга ҳаракат қиламан"

Ҳамюртимиз Одил Аҳмедов тўп тепаётган "Шанхай СИПГ"да яқинда бош мураббий ўзгарди. Бунгача ишлаб келган португалиялик Андре Виллаш-Боаш ўз лавозимини тарк этиб, ўрнини бошқа ҳамкасби Витор Перейрага бўшатиб берди.

Маълумки, Перейра ўз вақтида "Порту"да айнан Виллаш-Боашга ёрдамчилик қилган. Бу мутахассис жорий йилнинг май ойидан бери ишсиз юрганди. Виллаш-Боаш жамоаси Осиё чемпионлар лигасида финалга чиқа олмагани ҳамда Хитой чемпионатида иккинчи ўринни қўлга киритгани учун истеъфога чиқарилди.

Эндиликда клубнинг янги бош мураббийи Витор Перейра ўз фикрлари билан ўртоқлашди:

- "Хитой чемпионати охирги йилларда анча кучайди. Бу ерда хорижлик мураббийлар кўп ва ҳамма ўзини кўрсатишни хоҳлайди. Мен жамоага ёрдам бериш учун бор кучимни ишга соламан. "Шанхай СИПГ" совринлар ютиши керак. Мен шу сабабдан Хитойга келдим. 2010-11 йилги мавсумда Виллаш-Боаш билан бирга "Порту"да ишлаганмиз. Ундан кўп нарса ўрганганман ва эндиликда ўзиб кетишга ҳаракат қиламан".

Ссылка :

Источник : the-afc.com

Получайте новости прямо в Telegram!

Рейтинг: -5