RU

Последние новости

16:35Қозоғистон терма жамоасига вақтинчалик бош мураббий тайинланди  1 16:13Дракслер етакчилигидаги "Ал Аҳли" Андижонда!  3 15:55Ўзбекистон футбол ассоциацияси Эрон терма жамоаси собиқ устозига жиддий қизиқмоқда  16 15:20"Валенсия" Винисиус ҳақидаги ҳужжатли фильм туфайли Netflix'ни судга берди  5 14:57ФИФА ЖЧ-2026 саралашида иштирок этаётган терма жамоага техник мағлубият ёзди  0 14:30Кападзе ФИФА кунларида терма жамоа бошқарувида бўлади  15 14:02Ротация режалаштирилган. "Реал" "Қайрат"га қарши ўйинда майдонга тушириши мумкин бўлган футболчилар маълум  9 13:39"Милан" ва "Интер" "Сан Сиро"ни бузади  0 13:17"Машъал" "Бухоро" билан ўйиндан олдин 2 нафар йўқотишга эга  3 12:57Аҳрор Рисқуллаев Суперлигада юбилей ўйинини бошқарди  4 12:34Уругвайнинг асосий футболчилари Ўзбекистонга қарши баҳсни ўтказиб юбориши мумкин  3 11:45"Насаф" "Ал Ҳилол"га кичик ҳисобда мағлуб бўлган учрашувдан галерея  5 11:20Игорь Сергеев: "Илк дақиқалардан вақт чўзиш ҳолати кузатилди, муҳими ғалаба қозондик"   0 10:48"Арсенал" асосий футболчиси билан узоқ муддатли шартнома имзолади  0 10:22Клопп Осиё жамоасини бошқариши мумкин  1

Сергей Арсланов: "Нефтчи" футболчиларига саволим бор..." Новости

Сергей Арсланов: "Нефтчи" футболчиларига саволим бор..."

Суперлиганинг қолдирилган 14-туридан ўрин олган "Нефтчи" - "Сўғдиёна" (0:3) учрашувидан сўнг мезбонлар ёрдамчи мураббийи Сергей Арсланов матбуот анжуманида иштирок этди.

Матбуот котиби изоҳи: Жамоа бош мураббийи Виталий Левченконинг соғлиғи билан боғлиқ муаммо сабаб бугунги матбуот анжуманида ёрдамчи мураббий Сергей Арслонов иштирок этади.

Ўйин ҳақида

- Албатта, кутилмаган мағлубиятга учрадик. Биринчи голдан сўнг ҳужумларни кучайтирдик, олдинга ўтдик ва вазиятлар яратдик. Ўйинга тайёрланган режалар ўзгариб ҳам кетди. Вазиятлар яратган бўлсак-да, бугун меҳмонлар дарвозасини ишғол қилиш бизга насиб этмади. Иккинчи гол ўйин тақдирини деярли ҳал қилганди, учинчиси ортиқча ҳам бўлди. Шу ўринда футболчиларга саволим бор, нега барча ўзининг чизиғидаги рақибга имконият бериб қўйди?

- Биринчи даврада натижалар бошқача эди. Иккинчи даврада бунинг аксини кўраяпмиз. Эндиликда мураббийлар штаби тактикалари иш бермай қўйдими? Кейин давралар оралиғида ташкил этилган ўртоқлик ўйинларининг аксарияти нега ёпиқ тарзда ўтди?

- Давралар оралиғида биз янгича услубларни синовдан ўтказдик. Жамоага янги футболчилар таклиф этилди, уларнинг имкониятларини аниқ баҳолаб олиш керак бўларди. Мухлисларлардан узр сўраймиз, биз барчасини жамоага яхши бўлсин деб амалга ошираяпмиз. Янги футболчилар бирданига яхши ўйин кўрсатиб кетиши қийин. Бизда услублар ўзгарди, ижобий натижа бўлишини мураббийлар штаби ҳам истайди.



- Биринчи даврада гол ўтказиб юбормаслик бўйича статистика "Нефтчи"да яхши эди. Нега ҳозирга келиб бу кўрсаткич аксига айланаяпти? Бу ҳимоянинг панд бераётгани билан боғлиқми?

- Йўқ, ўтказиб юборилган голлар учун бутун бошли жамоа жавобгар бўлади. Камчиликларимиз бор, таҳлил қиламиз ва ишлаймиз.

- Мухлисларда ёшларга кам имконият берилаётгани билан боғлиқ эътирозли саволлар ҳам мавжуд...

- Ёшларни бутунлай жалб этмай қўйилгани йўқ. Аста-секин имконият бераяпмиз. Бугун ҳам захира ўриндиғимизда ёш футболчилар бор эди. Уларнинг тўлиқ майдонда ўйнаб кетишлари учун бизда ҳам, футболчиларнинг ўзида ҳам ишонч шаклланиши керак.

Рейтинг: -6   

Комментарии

championat.asia
< посмотреть последние новости
Яндекс.Метрика