Сергей Лушан: Ютишимиз керак бўлган ўйинда ютқаздик

- Очиғини айтсам, ютишимиз керак бўлган ўйинда мағлуб бўлдик. "Насаф" юзага келтирган биринчи имкониятини голга айлантирди ва бу уларнинг ғалабасини омили бўлди. Рақибнинг ҳимоядан ўйнашини билардик. Лекин бу қадар зич бўлиб орқа чизиққа ётиб олади, деб ўйламагандик. "Бунёдкор" меҳмонда "Локомотив"ни ютганида биз тўлиқ таркибда эдик. Ҳозир эса умумий ҳисобда 9та футболчисиз "Насаф" билан баҳсга тайёрландик. 6та футболчимиз ёшлар терма жамоаси билан Таиландда бўлиб қайтишди. Учта ўйинчимиз миллий терма жамоа билан Осиё ўйинларида қатнашмоқда. Мен уларнинг бизга ёрдам бера олмагини эмас, балки уларни умумий таркибимизда йўқлиги ҳақида гапиряпман. Яъни тайёргарликлар жараёнида кимнидир йўқлиги бошқа футболчиларга ҳам таъсир ўтказади, - дейди Сергей Иванович.