Сергей Лушан: "Бизни ғалабадан бошқаси қониқтирмайди"

“Ўйлайманки, бизни жуда қизиқ баҳс кутиб турибди. Биз ҳам, "Лахвия" ҳам ҳужум қилишни ёқтирадиган жамоалар сирасига киради. Доҳага ғалаба қозониш учун келдик. Бизни бошқа ҳеч нима қониқтирмайди. Ўз имкониятларимиз даражасида ўйнасак, юта оламиз. "Лахвия"ни ўрганиб чиқдик, бу жамоанинг кучли томонлари кўп. Ўзига яраша камчиликлари ҳам бор”, - дейди Лушан.

"Лахвия"дан энди бошқача ўйин кутамиз. Уларни ўз майдонида ҳам ҳимояга ётиб олади, деб ўйламайман. Биз тартибли ва ақлли футбол намойиш этишимиз керак. Хатоларга йўл қўйсак, қатарликлар кечиришмайди. Эҳтиёт бўлиб ўйнаймиз”, - дейди Зуаги.   



"Ал Жазира"ни ютганимиздан сўнг бизга бўлган муносабат жуда ошди ва босим кучайди. Ўша ўйин мавсумдаги илк баҳсимиз эди. Буни тўғри қабул қилиш лозим эди. Чунки ёшларга таянган жамоа тузяпмиз. Ҳали ўзимиз истаганчалик шакилланиб укгурмадик. Лекин натижани унутиб қўймадик. Чунки "Бунёдкор"нинг ўз тарихи ва ажойиб анъаналари бор. Клубнинг Осиёдаги нуфузи жуда юқори”, - дейди Сергей Лушан.

"Лахвия" таркибида кучли футболчилар кўп. Айниқса, жамоанинг олдинги чизиғи кучли. Тунислик Юсуф Мсакнини жуда яхши биламан араб диёрида Қатар футбол жадаллик билан ривож топиб бормоқда. Бу юртга жуда кучли легионерлар жалб этилмоқда. Ўзбекистонда ҳам футбол ривожи учун жуда катта ишлар қилинмоқда. Эртага "Бунёдкор" мухлисларни худсанд қилади, деб ўйлайман”, - дейди Шакер Зуаги.